રાજકારણ / સંસદમાં હોબાળાના કારણે પ્રજાના કામ તો અટક્યાં પણ એટલા રૂપિયાનું નુકસાન થયું કે આંકડો સાંભળીને અક્કલ કામ નહીં કરે

 

• વિપક્ષે હોબાળો મચાવતાં સંસદની કાર્યવાહી યોગ્ય રીતે ચાલી શકી ન્હોતી
• પ્રતિ મિનિટ 2.5 લાખના ખર્ચે કાર્યવાહી
• 2 અબજ 16 કરોડ 40 લાખ રૂપિયાનો દુરુપિયોગ

પેગાસસ, કૃષિ બિલ, ઈંધણના ભાવ વગેરે મુદ્દે સરકારને ઘેરી રહેલા વિપક્ષે હોબાળો મચાવતાં સંસદની કાર્યવાહી યોગ્ય રીતે ચાલી શકી ન્હોતી. જેના કારણે સામાન્ય જનતાના કામ અટક્યાં હતા અને સાથે સાથે કરોડો રૂપિયાનું નુકસાન ગયું હતું. 

2.16 અબજ કરોડ રૂપિયા પાણીમાં

સંસદના ચોમાસું સત્રમાં લોકસભા અને રાજ્યસભા દરમિયાન 2.16 અબજ કરોડ રૂપિયા પાણીમાં ગયા હતા. સરકારે આ જ સત્રમાં જાણકારી આપી હતી કે નવી સંસદ બનાવવાનો ખર્ચ 971 કરોડ રૂપિયા છે. 

પીઆરએસ લેજીસ્લેટિવ રિસર્ચના આંકડા મુજબ મોન્સુન સેશનમાં સંસદની ઉત્પાદકતા છેલ્લા બે દાયકાની સૌથી વધારે હતી. સંસદનાં નીચેલ ગૃહ લોકસભાની પ્રોડક્ટિવિટી માત્ર 22% અને રાજ્યસભાની પ્રોડક્ટિવિટી 29% રહી હતી. 
લોકસભા 19 દિવસ સુધી પ્રતિ દિવસ છ કલાકના દરે ચાલવી જોઈતી હતી પરંતુ પેગાસસ મામલે હોબાળાના પગલે કુલ મળીને માત્ર 21 કલાક જ કામકાજ થઈ શક્યું હતું. રાજ્યસભામાં 28 કલાક કામ ચાલી શક્યું હતું. 

પીઆરએસ લેજીસ્લેટિવ રિસર્ચ અનુસાર ચોમાસું સત્રમાં લોકસભા અને રાજ્યસભામાં 19 દિવસ ક્રમશ: 114 કલાક અને 112 કલાક કામ થવું જોઈતું હતું પરંતુ બંને સદનનું કામકાજ બે દિવસ અગાઉ એટલે 17 દિવસ અગાઉ પૂરું કરી દેવામાં આવ્યું હતું. આ રીતે લોકસભામાં 96 કલાકમાંથી 21 કલાક અને રાજ્યસભામાં 97.30 કલાક માંથી 28 કલાક જેટલું જ કામ થઈ શક્યું હતું.   

પ્રતિ મિનિટ 2.5 લાખના ખર્ચે કાર્યવાહી
બંને સદનમાં મળીને 2954 મિનિટ જેટલું જ કામ થઈ શક્યું હતું. સંસદમાં પ્રતિ મિનિટ 2.5 લાખના ખર્ચે કાર્યવાહી થાય છે. સંસદની કાર્યવાહી હોબાળાના કારણે વારંવાર અટકાવવી પડી હતી જેના કારણે કુલ 144 કલાક 16 મિનિટ જેટલો સમય બરબાદ થઈ ગયો હતો. જેના કારણે આખરે 2 અબજ 16 કરોડ 40 લાખ રૂપિયાનો દુરુપિયોગ થયો હતો.