હવામાન / ભારે પવનના કારણે ઓખાથી બેટ દ્વારકા જતી ફેરી બોટ સર્વિસ સતત ચોથા દિવસે બંધ

હાલ દરમિયામાં ભારે પવનના કારણે ઉંચા મોજા ઉછળી રહ્યા છે. જેના કારણે યાત્રીઓની સુરક્ષાને ધ્યાને લઈને GMBએ આ નિર્ણય લીધો છે. હાલ પુરતી આ ફેરી બોટ સર્વિસ બંધ કરવામાં આવી છે. પવન અને મોજા શાંત થયા બાદ ફેરી બોટ સર્વિસ ફરીથી શરૂ કરવામાં આવશે.

ઉલ્લેખનીય છે કે, ઓખાથી બેટ દ્વારકા વચ્ચે 150થી વધારે બોટ સર્વિસ ચાલી રહી છે. બોટ સર્વિસમાં રોજના 10 હજાર કરતાં પણ વધુ યાત્રાળુઓ પ્રવાસ કરતા હોય છે. જેના કારણે યાત્રિકોની સલામતીને ધ્યાનમાં રાખીને ઓખાથી બેટ દ્વારકાની તમામ બોટ સર્વિસ બંધ કરવાનો નિર્ણય લેવામાં આવ્યો છે.