IPOની પ્રાઇસ બેન્ડ 308 થી 326 હતી અને આ શેર નેશનલ સ્ટોક એક્સચેન્જમાં 508.70 રૂપિયામાં અને બોમ્બે સ્ટોક એક્સ્ચેન્જ પર 505 રૂપિયા પર લિસ્ટ થયો હતો.
DreamFolks એ શેરબજારમાં ધમાકેદાર લિસ્ટિંગ સાથે એન્ટ્રી કરી
રોકાણકારોએ પહેલા જ દિવસે 56 ટકાનો નફો કર્યો
પ્રતી શેર 200 રૂપિયાનો ફાયદો થયો
આજે DreamFolks IPO એ શેરબજારમાં ધમાકેદાર લિસ્ટિંગ સાથે એન્ટ્રી કરી છે. જે લોકોએ આ માં IPOમાં રોકાણ કર્યું હતું અને જે લોકોને શેર લાગ્યા હતા એ રોકાણકારોએ આજે મોટો નફો કર્યો છે. DreamFolks એ શેરબજારમાં ધમાકેદાર લિસ્ટિંગ સાથે રોકાણકારોએ પહેલા જ દિવસે 56 ટકાનો નફો કર્યો છે.
પ્રતી શેર 200 રૂપિયાનો ફાયદો થયો
તમને જણાવી દઈએ કે કંપનીના શેર નેશનલ સ્ટોક એક્સચેન્જમાં 508.70 રૂપિયામાં લિસ્ટેડ થયા હતા અને બોમ્બે સ્ટોક એક્સ્ચેન્જ BSE પર રૂ. 505 પર લિસ્ટ થયા હતા. જો આપણે IPO ના પ્રાઇસ બેન્ડ વિશે વાત કરીએ તો એ પ્રાઇસ બેન્ડ 308 થી 326 હતો. લિસ્ટિંગના દિવસે રોકાણકારોએ પ્રતિ શેર રૂ. 200 નો નફો કર્યો છે.
કેટલા ટકા પ્રીમિયમ પર લિસ્ટ થયા શેર
DreamFolksના શેર NSE પર 56 ટકાના પ્રીમિયમ પર અને બોમ્બે સ્ટોક એક્સચેન્જમાં અપર બેન્ડ થી 55 ટકાના પ્રીમિયમ પર લિસ્ટ થાય હતા.
549નો રેકોર્ડ લેવલ
આજે લિસ્ટિંગ પછી કંપનીના શેર રૂ.549ના સ્તરે પંહોચ્યા હતા. DreamFolksના શેરે આજે 549 રૂપિયાની રેકોર્ડ સપાટી બનાવી છે. તે જ સમયે લો પ્રાઇસ 451.50 સુધી પંહોચી હતી.
43.25 ટકાના વધારા સાથે કરી રહ્યો છે ટ્રેડ
હાલ DreamFolksના શેર આશરે 43.25 ટકા એટલે કે રૂ. 140.95ના વધારા સાથે ટ્રેડ થઈ રહ્યા છે.
IPO ને કેવો મળ્યો હતો રિસ્પોન્સ ?
જો IPOના રિસ્પોન્સની વાત કરીએ તો રોકાણકારોએ કંપનીને ખૂબ જ સારો રિસ્પોન્સ આપ્યો હતો. IPO લગભગ 56.68 ગણો વધુ સબસ્ક્રાઇબ થયો હતો. ડ્રીમફોક્સના IPOને 94,83,302 શેરની ઓફર સામે 53,74,97,212 શેર માટે બિડ મળી હતી.