તમારા કામનું / યોગિની એકાદશી પર રાશિ પ્રમાણે કરો આ વસ્તુઓનું દાન, ભગવાન વિષ્ણુ પ્રસન્ન થઈ દરેક ઈચ્છાઓ કરશે પુરી

• યોગીની એકાદશી પર કરો દાન 
• ભગવાન વિષ્ણુ થશે પ્રસન્ન 
• જાણો રાશિ પ્રમાણે શું કરશો દાન 

એકાદશી વ્રત દરેક મહિનાની બંને પક્ષોની એકાદશી તિથિએ કરવામાં આવે છે. એકાદશી ઉપવાસ ભગવાન વિષ્ણુને સમર્પિત છે. આ દિવસે નિયમ પ્રમાણે શ્રી હરિની પૂજા કરવાથી અને વ્રત કરવાથી ભગવાન વિષ્ણુની કૃપા પ્રાપ્ત થાય છે. દર માસમાં આવતી એકાદશીનું પોતાનું મહત્વ છે. અષાઢ માસના કૃષ્ણ પક્ષની એકાદશી તિથિએ યોગિની એકાદશી વ્રત કરવામાં આવશે. 

હજારો બ્રાહ્મણોને ભોજન કરાવવા જેટલું મળે છે ફળ 
માન્યતા છે કે આ દિવસે વ્રત કરવાથી વ્યક્તિને હજારો બ્રાહ્મણોને ભોજન કરાવવા જેટલું ફળ મળે છે. સાથે જ આ દિવસે દાનનું વિશેષ મહત્વ પણ જણાવવામાં આવ્યું છે. કહેવાય છે કે આ દિવસે જરૂરિયાતમંદોને દાન કરવાથી વ્યક્તિના જીવનમાં સુખ-સમૃદ્ધિ વધે છે. ચાલો જાણીએ કે રાશિ પ્રમાણે આ દિવસે કઈ વસ્તુઓનું દાન વિશેષ ફળ આપે છે.

મેષ 
યોગિની એકાદશીના દિવસે તાંબાના વાસણ, ઘઉં અને ગોળનું દાન કરો.

વૃષભ
આ રાશિના લોકો ચોખા, ખાંડ, અનાજ અને કપડાનું દાન કરી શકે છે.

મિથુન
જરૂરિયાતમંદોને વસ્ત્રોનું દાન કરો. ઉપરાંત, પાલક ખવડાવો.

કર્ક
કર્ક રાશિના લોકો હનુમાનજીના મંદિરમાં તાંબાના વાસણમાં લાડુનું દાન કરે છે. આ સિવાય પુસ્તકોનું દાન કરવું પણ ફાયદાકારક છે.

સિંહ 
જ્યોતિષ શાસ્ત્ર અનુસાર સિંહ રાશિના લોકોએ ઘઉં, ગોળ અને અન્નનું ગરીબોમાં દાન કરવું શુભ માનવામાં આવે છે.

કન્યા 
સ્ટીલના વાસણો કે કપડાં ગરીબોને દાનમાં આપી શકાય.

તુલા
જ્યોતિષ શાસ્ત્ર અનુસાર આ દિવસે ચોખા અને પાણીનું દાન કરવું શુભ માનવામાં આવે છે.

વૃશ્ચિક
આ લોકોને ભોજનનું દાન કરવું ફળદાયી રહેશે. તેમજ મંગળના બીજ મંત્રનો જાપ કરો.

ધન
યોગિની એકાદશીના દિવસે તમે હોસ્પિટલમાં દર્દીઓને ફળ દાન કરી શકો છો. આમ કરવાથી વ્યક્તિને શુભ ફળ મળશે.

મકર 
આ રાશિના લોકોને ચોખા, ખાંડ કે તલનું દાન કરવાની સલાહ આપવામાં આવે છે.

કુંભ
શનિદેવ પર તેલનું દાન કરો અને ગરીબોને ભોજન કરાવો તો લાભ થશે.

મીન 
ગરીબોને ગોળ અને ઘઉંનું દાન કરવું જોઈએ. આ સિવાય તમે ધાર્મિક પુસ્તકો પણ દાન કરી શકો છો.