કેમ છો ટ્રમ્પ! / અમદાવાદ મુલાકાતને લઈ ટ્રમ્પ હરખાયા : કહ્યું મારી સ્પીચ માટે 50 હજાર નથી આવતા ત્યારે અહીં તો...

• રાષ્ટ્રપતિ ડોનાલ્ડ ટ્રમ્પ લેશે અમદાવાદની મુલાકાત
• 70 લાખ લોકો દ્વારા કરાશે સ્વાગતની કરી વાત
• વીડિયો થયો વાયરલ

વાઈટ હાઉસમાં યોજાયેલ એક કાર્યક્રમ દરમિયાન ટ્રમ્પે કહ્યું કે મોદીજીએ કહ્યું છે કે એરપોર્ટથી મોટેરા સ્ટેડીયમ સુધી 70 લાખ લોકો તમારા સ્વાગત માટે આવશે. અમેરિકામાં યોજાયેલી ગત સભામાં 50-60 હજાર ભારતીય આવ્યાં હતાં. જેનો મને સંતોષ થયો ન હતો. પરંતુ અમદાવાદમાં મારું લાખો લોકો અભિવાદન કરવા આવવાનાં છે. હું ભારત પ્રવાસની રાહ જઈ રહ્યો છું. 

@narendramodi @POTUS @realDonaldTrump @FLOTUS Just donu2019t worry Mr President. We do this every other day ud83dudc4d Welcome to India pic.twitter.com/3fIymnJjdy

— Chetan rathore (@Chetanr98041271) February 12, 2020

ગુજરાતના લોક સંગીત અને સંસ્કૃતિની ઝાંખીના ટ્રમ્પ કરશે દર્શન

ડોનાલ્ડ ટ્રમ્પને ગુજરાતના લોક સંગીત અને સંસ્કૃતિની ઝાંખી બતાવાશે. ડોનાલ્ડ ટ્રમ્પ ગુજરાતના દાંડિયા રાસ નિહાળશે. જેની રમતગમત મંત્રાલયને જવાબદારી સોંપવામાં આવી છે. તો આ કાર્યક્રમમાં ભારતના દિગ્ગજ ક્રિકેટરો પણ આવશે. સૌરવ ગાંગુલી, સચિન તેંડુલકર, કપીલ દેવ, સુનિલ ગાવસ્કર, ઈરફાન પઠાણ, પાર્થિવ પટેલને આમંત્રણ આપવામાં આવશે. વિશ્વનું સૌથી મોટું ક્રિકેટ સ્ટેડિયમ તૈયાર થઇ ગયું છે.

24 ફેબ્રુઆરીએ આવશે ભારતના પ્રવાસે 

નોંધનીય છે કે, આગામી 24 ફેબ્રુઆરીએ ભારતના પ્રવાસે આવી રહ્યાં છે. અમદાવાદના મોટેરા સ્ટેડિયમમાં કાર્યક્રમ યોજાશે. જેને લઇને મોટેરા સ્ટેડિયમમાં તડામાર તૈયારીઓ ચાલી રહી છે. ટ્રમ્પની મુલાકાત પહેલા મોટેરાને સજાવી દેવાશે. ફ્લોરિંગ, પ્લાન્ટિંગ, રોડ બનાવવાની કામગીરી શરૂ કરી દેવામાં આવી છે. તો સાથે જ પાર્કિંગ વ્યવસ્થા સહિત તમામ તૈયારીઓ શરૂ કરી દેવાઇ છે.

આટલા કરોડ રૂપિયામાં પડશે ડોનાલ્ડ ટ્રમ્પનો પ્રવાસ 

 

 

 

 

View this post on Instagram

 

 

 

 

 

 

 

 

 

અમેરિકાનાં રાષ્ટ્રપતિ ડોનાલ્ડ ટ્રમ્પ અમદાવાદનાં મહેમાન બનવાના છે ત્યારે ટ્રમ્પની મુલાકાત માટે કરોડો રૂપિયાનો ખર્ચો કરવામાં આવશે. ટ્રમ્પની મુલાકાતનો ખર્ચ કેન્દ્ર 30 કરોડ, રાજ્ય 25 કરોડ, કોપોરેશન 20 કરોડનો ખર્ચ ભોગવશે. ટ્રમ્પ ગુજરાતના દાંડિયા રાસ પણ નિહાળશે. મિલેનિયા અને ડોનાલ્ડ ટ્રમ્પ ગરબે પણ ઘૂમી શકે છે.

A post shared by VTV Gujarati News and Beyond (@vtv_gujarati_news) on Feb 12, 2020 at 3:13am PST

જાણો ક્યાં સ્થળની લેશે મુલાકાત 

તો અમેરિકાના રાષ્ટ્રપતિ ડોનાલ્ડ ટ્રમ્પ ગાંધી આશ્રમની પણ મુલાકાત લેવાના છે. ત્યારે ટ્રમ્પની મુલાકાતને લઈ ગાંધી આશ્રમમાં તૈયારી પૂરજોશમાં ચાલી રહી છે. રિવરફ્રન્ટના કાંઠે સ્ટેજ બનાવવામાં આવી રહ્યું છે. ડોનાલ્ડ ટ્રમ્પ અને PM મોદી રિવરફ્રન્ટનો નજારો માણશે.

તો ગાંધી આશ્રમમાં હૃદય કુંજ અને ચરખામાં રંગરોગાન કરવામાં આવ્યું છે. પોલીસ અધિકારીઓ દ્વારા સુરક્ષા વ્યવસ્થાની સમીક્ષા કરવામાં આવી છે. તો ગાંધી આશ્રમમાં બૉમ્બ સ્ક્વોડ દ્વારા ચેકિંગ શરૂ કરવામાં આવ્યું છે.