અમેરિકા / રાષ્ટ્રપતિ ડોનાલ્ડ ટ્રમ્પે કરેલા ટ્વિટથી દુનિયામાં ખળભળાટ, અટકળો વચ્ચે આપશે નિવેદન

• અમેરિકી સેનાએ બગદાદીને માર્યો હોવાનો કર્યો દાવો
• ડોનાલ્ડ ટ્રમ્પના એક ટ્વીટથી અનેક આશંકા
• ટ્રમ્પે ટ્વીટ કરી લખ્યુ આજે કંઈક મોટું થયું છે

અમેરિકાના રાષ્ટ્રપતિ ડોનાલ્ડ ટ્રમ્પ રવિવારે કયા મુદ્દા પર નિવેદન આપશે તે અંગે કોઇ જાણકારી નથી. રાષ્ટ્રપતિ ડોનાલ્ડ ટ્રમ્પે શનિવારે ટ્વિટ કરી જણાવ્યું હતું કે 'આજે ક્યાંક ઘણુ મોટું થયું છે.'

અમેરિકાની એક સમાચાર એજન્સી અનૂસાર સૂત્રોને મળતી જાણકારી મુજબ કથિત રીતે ISISનો આકા અબુ બકર અલ બગદાદી માર્યો ગયો છે. જો કે આ અંગેની પુષ્ટી હજી સુધી અમેરિકન સૈન્ય દ્વારા કરવામાં આવી નથી. 

સૂત્રોને મળતી જાણકારી મુજબ એક વિશેષ ઓપરેશન મિશન દરમિયા બગદાદી માર્યો ગયો છે. આ ઓપરેશનની મંજૂરી રાષ્ટ્રપતિ ડોનાલ્ડ ટ્રમ્પે એક અઠવાડિયા અગાઉ આપી હતી. જો કે આ અગાઉ પણ બગદાદી મરાયો હોવાના સમાચાર આવી ચૂક્યાં છે. જો કે હજુ સુધી આ સમાચારને લઇને અમેરિકી સૈન્ય તરફથી કોઇ પુષ્ટિ મળી નથી. 

Something very big has just happened!

— Donald J. Trump (@realDonaldTrump) October 27, 2019

જો કે વ્હાઇટ હાઉસે જાણકારી આપી છે કે અમેરિકાના રાષ્ટ્રપતિ ડોનાલ્ડ ટ્રમ્પ રવિવારે સવારે 9 વાગે એક મોટી જાહેરાત કરવાના છે. આ અંગેની જાણકારી વ્હાઇટ હાઉસના ઉપ પ્રેસ સચિવ હોગન ગિદલે આપી હતી. 

અમેરિકાના રાષ્ટ્રપતિ ડોનાલ્ડ ટ્રમ્પે કરેલા એક ટ્વિટથી અનેક આશંકાઓ ઉભી થઇ છે. જેમાં ટ્રમ્પે ટવિટ કરી લખ્યું છે કે આજે કંઇક મોટું થયું છે. જેને લઇને સૂત્રોને મળતી જાણકારી મુજબ ડોનાલ્ડ ટ્રમ્પ ISISના વડા અબુ બકર અલ બગદાદીના મોત થયું હોવાની કરી એલાન કરી શકે છે. અલ બગદાદીએ સિરિયા અને ઇરાક જેવા દેશોમાં કહેર મચાવ્યો હતો.