નમસ્તે ટ્રમ્પ / મોટેરામાં ટ્રમ્પે કહ્યું- અમેરિકા-ભારત એક સાથે આતંકવાદ સામે લડશે, ભારતને ખતરનાક મિસાઇલ-હથિયાર આપીશું

• મોટેરા સ્ટેડિયમને આંગણે ઈતિહાસ
• 1થી દોઢ લાખ લોકો છે સ્વાગતમાં
• કલાકારોએ મનમૂકીને આપ્યુ પફર્મોન્સ

અમેરિકન રાષ્ટ્રપતિ ડોનાલ્ડ ટ્રમ્પ બે દિવસીય પ્રવાસે ભારત પહોંચ્યા છે. ત્યારે સોમવારે અમદાવાદની મુલાકાત લીધી. પીએમ મોદીએ ટ્રમ્પનું એરપોર્ટ પર સ્વાગત કર્યુ. આ દરમિયન મેલેનિયા પણ ઉપસ્થિત રહી. ત્યાંથી બન્ને સાબરમતી આશ્રમ પહોંચ્યા અને મહાત્મા ગાંધીને શ્રદ્ધાંજલિ આપી. ત્યાંથી બન્ને નેતાઓ મોટેરા સ્ટેડિમય પહોંચ્યા હતા.

ડોનાલ્ડ ટ્રમ્પની અમદાવાદ મુલાકાત જુઓ લાઈવ

ટ્રમ્પ સંબોધન બાદ પીએમ મોદીએ શું કહ્યું?

પ્રધાનમંત્રી નરેન્દ્ર મોદીએ અહીં પોતાના સંબોધનમાં કહ્યું કે, અમેરિકન રાષ્ટ્રપતિએ ભારતના વખાણ કર્યા છે, આજે આપણે દુનિયાના સૌથી મોટા ક્રિકેટ સ્ટેડિયમમાં આ કાર્યક્રમ સંબોધિ રહ્યા છીએ. પીએમએ કહ્યું કે બે દેશોના સંબંધોનો સૌથી મોટો આધાર વિશ્વાસ હોય છે, ભારત અને અમેરિકાના સંબંધો નવી ઊંચાઇઓ પર પહોંચ્યા છે.

પીએમ મોદીએ કહ્યું કે જ્યારે હું ટ્રમ્પને પ્રથમ વખત મળ્યો હતો, ત્યારે તેમણે મને કહ્યું હતું કે ભારતનો સાચો મિત્ર હવે વ્હાઇટ હાઉસમાં છે. જ્યારે વ્હાઇટ હાઉસમાં દીવાળી મનાવવામાં આવે છે, તો ત્યાં રહેતા 40 લાખ ભારતીય મૂળના લોકો અમેરિકાના વિકાસમાં ફાળો આપે છે.

પ્રધાનમંત્રી મોદીએ કહ્યું કે આજે અમેરિકા ભારતનું મિત્ર છે, સૈન્ય ક્ષેત્ર હોય કે પછી બિઝનેસ, ભારતનું સૌથી સાચુ મિત્ર અમેરિકા બન્યું છે.

ટ્રમ્પે નમસ્તે કહીને સંબોધન કર્યું, અને કહ્યું...

મોટેરા સ્ટેડિયમમાં નમસ્તે કાર્યક્રમમાં અમેરિકન રાષ્ટ્રપતિએ સંબોધન કરતા કહ્યું કે, મેં અને મારી પતિ 8000 માઈલનું ડિસ્ટન્સનો પ્રવાસ કરી અહીં પ્રવાસ ખેડ્યો છે. અહીં આવેલા લાખો નાગરિકોનું હું અભિવાદન કરૂં છું. ભારત હંમેશા મારા હૃદયમાં છે. PM મોદીને સૌ કોઈ પ્રેમ કરે છે.

PM મોદીએ જીવનમાં ઘણી મહેનત કરીઃ ટ્રમ્પ

PM મોદીએ પોતાના જીવનમાં ઘણી મહેનત અને ચા વેચવાળાની જેમ શરૂઆત કરી. તેમણે પોતાના પિતાની ચાની દુકાનમાં કામ કર્યું. પીએમ મોદીને આજે દરેક પ્રેમ કરે છે, પરંતુ તે ઘણુ અઘરુ છે. આજે પીએમ મોદી હિન્દુસ્તાનના સૌથી મોટા નેતા છે, ગત વર્ષ 50 કરોડથી વધુ લોકોએ પીએમ મોદીને મત આપ્યો અને સૌથી મોટી ચૂંટણી જીત મેળવી.

આજથી ભારત અમારા માટે સૌથી મહત્વનો મિત્રઃ ટ્રમ્પ

ડોનાલ્ડ ટ્રમ્પે પોતાના સંબોધનમાં કહ્યું કે, 5 મહિના પહેલા અમેરિકાએ પીએમ મોદીનું સ્વાગત કર્યું હતું, આજે ભારત અમારૂ સ્વાગત કરી રહ્યું છે જે અમારા માટે ખુશીની વાત છે. આજે દુનિયાના સૌથી મોટા ક્રિકેટ સ્ટેડિયમમાં છીએ. પ્રધાનમંત્રી નરેન્દ્ર મોદીએ અમારૂ કર્યું, આજથી ભારત અમારા માટે સૌથી મહત્વનો મિત્ર છે.

અમેરિકન રાષ્ટ્રપતિએ કહ્યું કે અમેરિકામાં વસતા બિઝનેસમેન ગુજરાતથી આવે છે, તેવામાં અમેરિકાના વિકાસમાં મહત્વનો ફાળો આપવા માટે સૌનો આભાર.

ટ્રમ્પે આ દરમિયાન હોળી, દિવાળી જેવા તહેવારોનો ઉલ્લેખ કર્યો. અમેરિકન રાષ્ટ્રપતિએ કહ્યું કે, ભારતમાં આજે હિન્દુ, જૈન, મુસ્લિમ, સિખ સહિત કેટલાક ધર્મના લોકો રહે છે, જ્યાં અનેક બોલી બોલવામાં આવે છે. છતા પણ દેશમાં એક શક્તિની જેમ લોકો રહે છે.

ડોનાલ્ડ ટ્રમ્પે કહ્યું કે, ભારત આજે પોતાના લોકોમાં વિશ્વાસ વ્યક્ત કરે છે, જે અમેરિકા અને ભારતને એક જેવું બનાવે છે. અમેરિકા અને ભારતમાં કેટલીક સમાનતા છે, જેમાં દરેક વ્યક્તિને એક સમાન માનવામાં આવે છે. અમેરિકન રાષ્ટ્રપતિએ આ દરમિયાન સ્વામી વિવેકાનંદ, મહાત્મા ગાંધી અને સરદાર વલ્લભભાઇ પટેલનો પણ ઉલ્લેખ કર્યો.

ભારતને જલ્દીધી સૌથી ખતરનાક મિસાઇલ અને હથિયાર આપીશુંઃ ટ્રમ્પ

અમેરિકન રાષ્ટ્રપતિએ કહ્યું કે કાલે હું પીએમ મોદી સાથે દ્વિપક્ષીય બેઠક કરીશ, જેમાં અમે કેટલીક ડીલ પર વાત કરીશું. ભારત અને અમેરિકન ડિફેન્સના ક્ષેત્રમાં આગળ વધી રહ્યું છે, અમે ભારતને જલ્દીધી સૌથી ખતરનાક મિસાઇલ અને હથિયાર આપીશું. ડોનાલ્ડ ટ્રમ્પે કહ્યું કે, અમેરિકા-ભારત બન્ને એક સાથે મળીને આતંકવાદ વિરૂદ્ધ લડાઇ લડશે, ઇસ્લામિક આતંકવાદ વિરૂદ્ધ અમેરિકા લડાઇ લડી રહ્યું છે.

આજે મોટેરા સ્ટેડિયમમાં નવો ઈતિહાસ રચાયોઃ PM મોદી

ટ્રમ્પે ઐતિહાસિક ભારતની યાત્રા અમદાવાદથી શરૂ કરી છે. ટ્રમ્પ અમેરિકાથી સીધા અમદાવાદ આવ્યા છે. ધરતી ગુજરાતની પણ જોશ સમગ્ર હિન્દુસ્તાનનો છે. વિશ્વની સૌથી મોટી લોકશાહી તમારું સ્વાગત કરે છે. 5 મહિના પહેલા હાઉડી મોદી કાર્યક્રમ થયો હતો. મારા મિત્ર ટ્રમ્પની ઐતિહાસિક ભારત યાત્રા છે. એરપોર્ટથી સ્ટેડિયમ સુધી દેશની વિવિધતા જોવા મળી છે. પરિવાર સાથે આવવું એ US-ભારતના પરિવારના સંબંધનો પુરાવો છે. ટ્રમ્પના પરિવાર સાથે આવવું એ પારિવારિક લાગણીનો અહેસાસ છે. નમસ્તે ટ્રમ્પમાં 'નમસ્તે' પ્રાચીન સંસ્કૃતિનો ભાવ છે. નમસ્તેનો અર્થ અંદરની આત્માને પણ નમન. હું તમામ રાજ્યોના લોકોનું અભિનંદન કરુ છું. સાબરમતી નદીનું ભારતની આઝાદીમાં મહત્વનું સ્થાન છે. આજે આપણે સાબરમતી નદીના કિનારે બેઠા છીએ. અમેરિકાને સ્ટેચ્યૂ ઓફ લિબર્ટી પર ગર્વ છે. ભારતને સૌથી ઊંચી પ્રતિમા સ્ટેચ્યૂ ઓફ યુનિટીનું ગર્વ છે. ટ્રમ્પની આગેવાનીમાં બંને દેશની મિત્રતા વધુ મજબૂત બની. ટ્રમ્પની આ યાત્રા સંબંધોનો નવો અધ્યાય છે. પ્રેસિડેન્ટ ટ્રમ્પ ઊંચા વિચાર ધરાવે છે.

ભારત-અમેરિકા મિત્રતા જીંદાબાદઃ PM મોદી

પીએમ મોદીએ કહ્યું કે આ ધરતી ગુજરાતની છે પરંતુ આજે સમગ્ર ભારતનો નજારો દેખાઇ રહ્યો છે. પોતાના સ્વાગત્ ભાષણમાં પ્રધાનમંત્રીએ કહ્યું કે આજે અમેરિકા-ભારતના સંબંધો ઉંચાઇઓ આંબી રહ્યા છે. આ દરમિયાન PM મોદીએ ભારત-અમેરિકા મિત્રતા જીંદાબાદના નારા લગાવ્યા હતા. PM મોદીએ ગુજરાતીની પ્રજાનો આભાર માન્યો હતો. પ્રેસિડેન્ટ ટ્રમ્પની આ યાત્રા અમેરિકા અને ભારતના લોકો માટે યાદગાર રહી જશે તેમ કહ્યું હતું.

PM મોદીએ ત્રણ વખત નમસ્તે ટ્રમ્પના નારા લગાવ્યા

મોટેરા સ્ટેડિયમ પહોંચેલા પ્રધાનમંત્રીએ ભાષણ આપ્યું હતું. જેમાં PM મોદીએ ભાષણની શરૂઆતમાં ત્રણ વખત નમસ્તે ટ્રમ્પના નારા લગાવ્યા હતા. PM મોદીએ ભારત માતા કી જયના નારા સાથે ભાષણ શરૂ કર્યું હતું. બંને દેશના રાષ્ટ્રગીતના ગાન સાથે મોટેરામાં ટ્રમ્પ-મોદીનો કાર્યક્રમ શરૂ કરાયો. મોદી સંબોધનની શરૂઆત અંગ્રેજીમાં કરી ફરી હિન્દીમાં ટ્રમ્પ પરિવારનો આભાર માન્યો હતો. પીએમ મોદી અને ટ્રમ્પ ફરી વખત અહીં ગળે મળ્યા હતા.

લાખોની ભીડ જોઇને ટ્રમ્પ ગદગદીત

અમેરિકન રાષ્ટ્રપતિ ડોનાલ્ડ ટ્રમ્પ અને પ્રધાનમંત્રી નરેન્દ્ર મોદી મોટેરા સ્ટેડિયમ પહોંચ્યા છે. અહીં હાજર લાખો લોકોએ તેમનું સ્વાગત કર્યું. લાખોની ભીડ જોઇને અમેરિકન રાષ્ટ્રપતિ ટ્રમ્પ ગદગદીત થયા. જ્યાં તેઓ નમસ્તે કાર્યક્રમમાં ઉપસ્થિત રહ્યા. અહીં લાખોની સંખ્યામાં લોકો ઉમટ્યાં છે.

અમિત શાહ પણ ઉપસ્થિત

અમેરિકન રાષ્ટ્રપતિ ડોનાલ્ડ ટ્રમ્પ, પ્રધાનમંત્રી નરેન્દ્ર મોદી મોટેરા સ્ટેડિયમ પહોંચી ચૂક્યા છે. અહીં પર કેન્દ્રીય ગૃહમંત્રી અમિત શાહ પણ હાજર રહ્યા છે. સાથે અમદાવાદના મેયર બિજલ પટેલ સહિતના કમિટીની સભ્યો હાજર રહ્યા.

ગાંધી આશ્રમમાં શું લખ્યુ હતુ ટ્રમ્પ દંપતિએ

અમેરિકી રાષ્ટ્રપતિ ડોનાલ્ડ ટ્રમ્પે અમદાવાદમાં ગાંધી આશ્રમની મુલાકાત લીધી હતી.. આ દરમિયાન ડોનાલ્ડ અને મેલેનિયા ટ્રમ્પે ચરખા પર હાથ અજમાવ્યો હતો. પ્રધાનમંત્રી નરેન્દ્ર મોદીએ ગાઈડ બનીને તેમણે તમામ માહિતી આપી હતી. મુલાકાત બાદ ટ્રમ્પે વિઝીટર બુકમાં નોંધ કરતા લખ્યુ કે, મારા મહાન મિત્ર પ્રધાનમંત્રી નરેન્દ્ર મોદીને, આ શાનદાર મુલાકાત માટે ધન્યવાદ. ગાંધી આશ્રમથી સ્ટેડિયમ જવા રવાના થયા હતા.

ગાંધીઆશ્રમમાં પહોંચ્યા પીએમ મોદી, ડોનાલ્ટ ટ્રમ્પ અને અમેરિકાના ફર્સ્ટલેડી મિલેનિયા

અમેરિકાના રાષ્ટ્રપતિ ડોનાલ્ડ ટ્રમ્પનું ગાંધી આશ્રમમાં ખેસ પહેરાવીને સ્વાગત કરવામાં આવ્યું હતું. મોદી હ્રદય કુંજમાં ટ્રમ્પના ગાઇડ બન્યા. પીએમ મોદી અને ટ્રમ્પે ગાંધીજીની તસ્વીરને સૂતરની આંટી પહેરાવી વંદન કર્યા. ત્યાર બાદ ગાંધીજીના ચરખાને પણ કાત્યો હતો. આ પ્રસંગે મેલેનિયા ટ્રમ્પે પણ ચરખો કેવી રીતે ચાલે છે તે નિહાળ્યું હતું. તો સમગ્ર મુલાકાતમાં વડાપ્રધાન મોદી તેમના ગાઈડ બન્યા હતા. ગાંધી આશ્રમની વિઝીટર બૂકમાં ટ્રમ્પે ખાસ મેસેજ પણ લખ્યો હતો. ટ્રમ્પે લખ્યું કે મારા મિત્ર નરેન્દ્ર મોદી મની અદભુત મુલાકાત બદલ આભાર

ગુજરાતમાં આજ અનેરો અવસર આવ્યો હોય તેવો ઘાટ ઘડાયો છે. અમેરિકાના પ્રમુખ અમદાવાદના મહેમાન બન્યા છે. ડોનાલ્ડ ટ્રમ્પ અમદાવાદ પહોંચ્યા. વડાપ્રધાને સ્વાગત કર્યુ. 

 

પીએમ નરેન્દ્ર મોદી આવી પહોંચ્યા અમદાવાદ એરપોર્ટ

 

એરપોર્ટ પર પણ થશે કાર્યક્રમ

• સવારે 11:40 વાગ્યે અમદાવાદ એરપોર્ટ પર લેન્ડિંગ
• એરપોર્ટ પર 150 ફૂટ પહોળા રેડ કાર્પેટ પર સ્વાગત
• 19 કલાકારોના શંખ-ઢોલ, મંજીરાના નાદથી થશે સ્વાગત
• એરપોર્ટની અંદર 1 હજાર કલાકાર ટ્રેડિશનલ ડાન્સ
• PM મોદી,CM રૂપાણી હાજર રહેશે
• ટ્રમ્પને ગાર્ડ ઓફ ઓનર આપવામાં આવશે

ગાંધી આશ્રમમના કાર્યક્રમ

• બપોરે 12:15 વાગ્યે ગાંધી આશ્રમ પહોંચશે
• આશ્રમના ટ્રસ્ટી ટ્રમ્પ પરિવારનું સ્વાગત કરશે
• ટ્રમ્પ પરિવારનું સુતરની આંટીથી સ્વાગત કરાશે
• ટ્રમ્પ-મેલેનિયા હ્રદયકુંજ-ગાંધી પ્રતિમાના દર્શન કરશે
• ગાંધીજીની પ્રતિમાને હાર પહેરાવી શ્રદ્ધાંજલિ આપશે
• ગાંધીજીના ચરખાને નિહાળી મેળવશે માહિતી
• સાબરમતીના પગથિયે તસવીર પડાવશે
• નદીમાં વેલકમ અમદાવાદની હોળી પણ તરતી દેખાશે
• ગાંધી આશ્રમથી રોડ શો દ્વારા ઇન્દિરા બ્રિજથી સ્ટેડિયમ જશે
• રસ્તામાં તમામ ધર્મ-સમાજ-સંસ્થાના લોકો દ્વારા અભિવાદન

મોટેરા સ્ટેડિયમમાં કાર્યક્રમોનું શેડ્યુલ

• બપોરે 1.05 વાગ્યે મોટેરા સ્ટેડિયમ પહોંચશે 
• મોટેરામાં 1.10 લાખ લોકો વચ્ચે 3 કલાક વિતાવશે
• સ્ટેડિયમની આસપાસ સાંસ્કૃતિક કાર્યક્રમ યોજાશે
• કાર્યક્રમો બાદ PM મોદીનું પહેલા ભાષણ થશે
• PM મોદી બાદ ટ્રમ્પના ભાષણની શરૂઆત થશે
• ટ્રમ્પ-મેલેનિયા મોદીની સાથે તમામનું અભિવાદન કરશે
• મોદી-ટ્રમ્પ પરિવાર ઓપન જીપ્સીમાં સ્ટેડિયમનું ચક્કર લગાવશે
• 3.30 વાગ્યે ટ્રમ્પ અમદાવાદથી આગ્રા જવા રવાના થશે

ભારતના અલગ અલગ રાજ્યો ભજવશે ટ્રેડિશનલ શો

• નાગાલેન્ડ,આસામ સહિત વિવિધ રાજ્યોના કલાકારો
• સંગીત-નૃત્યનો કાર્યક્રમ પણ રજૂ કરાશે
• સિંગર કૈલાસ ખેર,સાંઇરામ દવે,કીર્તિદાન ગઢવીનો કાર્યક્રમ
• કિંજલ દવે સહિતના કલાકારો વિવિધ કાર્યક્રમો રજૂ કરશે