અમેરિકામાં કોરોનાનો કહેર રોકાવાનું નામ નથી લઈ રહ્યો કાલની સરખામણીએ ઓછા થતા 24 કલાકમાં 2517ના મોત નિપજ્યા છે. તેમજ 31 811 કેસ નોંધાયા છે. અમેરિકામાં હાલ કુલ કેસની સંખ્યા 710,021 થઈ. જ્યારે મોતનો આંકડો 37,158 થઈ ગયો છે. 60,510 લોકો સાજા થતા એક્ટિવ કેસની સંખ્યા 612,353 થઈ છે.
પાકિસ્તાનને 84 લાખ ડૉલરની અમેરિકન મદદ
અમેરિકામાં ખેડૂતોને 19 અબજ ડોલરની મદદ કરવામાં આવી
અમેરિકમાં 7 લાખથી વધારે કેસ નોંધાયા તો , 37 હજારથી વધુના મોત
મિશિગનમાં લોકડાઉનના વિરોધમાં લોકોએ રોડ પર ચર્ચા જામ કરી પ્રદર્શન કર્યુ
આ રીતે પરિસ્થિતિ વણસી છે
હાલની કોરોનાની સ્થિતિએ અમેરિકાની પોલ ખોલી છે. દેશમાં ડોક્ટરો પાસે પુરતી પીપીઈ કિટ નહોંતી. જેથી ડૉક્ટરોએ એક જ કિટ વારંવાર ઉપયોગમાં લીધી હતી. જેને લીધે સંક્રમણ ફેલાયુ હતુ. સમયસર અમેરિકામાં પીપીઈ અને ટેસ્ટિંગ કિટની સપ્લાય સુદ્ધા ન થઈ. કેમ કે પહેલાથી કોઈ તૈયારી નહોતી અને જ્યારે ટ્રમ્પ તૈયારી કરતા અને મેડિકલ ઈમરજન્સી જાહેર કરતા ત્યાં સુધીમાં પરિસ્થિતિ કાબુ બહાર થઈ ગઈ હતી.
ન્યૂ યોર્કમાં ચહેરો ઢાંકવાનો નિયમ લાગુ
ઘરમાં રહેવાનો સમય વધારી દેવામાં આવ્યો છે. સાથે સાથે અમેરિકામાં ન્યૂ યોર્કમાં જાહેર જગ્યાઓ પર લોકોને પોતાનો ચહેરો ઢાંકવાનો નિયમ શુક્રવારથી લાગુ કરવામાં આવ્યો છે. આ સાથે સોશિયલ ડિસ્ટન્સિંગની સમય મર્યાદા પણ વધુ એક મહિનો વધારી દેવામાં આવી છે.
ગવર્નર એડ્રયૂ કુઓમો તરફથી આ અઠવાડિયે જાહેર કરવામાં આવેલા દિશા નિર્દેશો મુજબ જાહેર જગ્યાઓ પર ચહેરો ઢાંકવા તથા સોશિયલ ડિસ્ટન્સિંગ બનાવી રાખવાની જરુર છે એમ જણાવાયું છે. જો કે 2 વર્ષના બાળકોને મેડિકલ કારણોસર મોઢું ઢાકવા કે માસ્ક પહેરાવામાંથી છુટ આપી છે.
ઉલ્લેખનીય છે કે કુઓમોએ ગુરુવારે કહ્યું હતું કે રાજ્યમાં લોકોને ઘરમાં રહેવા બાબતેના આદેશોને 15 મે સુધી લંબાવામાં આવે છે. તેમણે કહ્યું હતું કે આ નિર્ણય અધિકારીઓની સલાહ પર કરવામાં આવ્યો છે. આની આવતા મહિને સમીક્ષા કરવામાં આવશે.
સંક્રમણમાં આપશે સ્માર્ટ ફોન એપ
અમેરિકામાં કેટલાક વૈજ્ઞાનિકો એક એવી સ્માર્ટ એપ પર કામ કરી રહ્યા છે કે જે લોકોની ખાનગી રક્ષા કરતા જણાવી શકશે કે શું તમે એવા વ્યક્તિના સંપર્કમાં આવ્યા છો જે કોરોનાગ્રસ્ત છે. વૈજ્ઞાનિકોમાં ભારતીય મૂળના વૈજ્ઞાનિકોનો સમાવેશ થયો છે. અમેરિકાના બોસ્ટન વિશ્વવિદ્યાલયમાં મયંક વારિયા સહિતના સંશોધનકર્તાઓની ટીમ આ એપને વિકસાવી રહી છે. આ એપમાં બ્લૂટૂથવાળા સેલ ફોનમાં ઉપયોગ કરનારા લોકોને સૂચના આપવામાં આવશે કે તેઓ કોઈ કોરોનાગ્રસ્તના સંપર્કમાં આવ્યા છે કે નહીં.
અમેરિકામાં ખેડૂતોને 19 અબજ ડોલરની મદદ કરવામાં આવી
US President Donald Trump announces $19 billion relief for farmers: AFP news agency (File pic) pic.twitter.com/dX360w0HFE
અમેરિકામાં એક સમાચાર એજન્સીના જણાવ્યાનુંસાર ડોનાલ્ડ ટ્રમ્પે ખેડૂતોને 19 અબજ ડોલરની મદદ કરી છે. જ્યારે અમેરિકાએ ઝડપથી ફેલાઈ રહેલા કોરોના વાયરસને રોકવા માટે પાકિસ્તાનને 84 લાખ ડૉલરની મદદ કરવાની જાહેરાત કરી છે.
US announces $8.4 million aid to Pak to fight coronavirus
મિશિગનમાં લોકડાઉનના વિરોધમાં લોકોએ રોડ પર ચર્ચા જામ કરી પ્રદર્શન કર્યુ
દુનિયાભરના દેશો લોકડાઉનનો નિયમ અપનાવ્યો છે ત્યારે અમેરિકાના મિશિગનના ગવર્નર ગ્રેચેન વ્હિમરે લોકોને 30 એપ્રિલ સુધી ઘરે રહેવા કહી. શહેરને લોકડાઉન કર્યુ હતું. ત્યારે મિશિગનમાં હજારો લોકો માર્ગો પર ઊતરી લોકડાઉનનો વિરોધ કરી રહ્યા છે. મિશિગન કન્ઝર્વેટિવ કોલાઈઝને લોકોને માર્ગો પર ઊતરવા અપીલ કરી હતી. સંગઠને આ દેખાવને ઓપરેશન ગ્રિડલૉક નામ આપ્યું છે. તેમણે પોસ્ટર બતાવી કહ્યું કે ગવર્નર વ્હિમર અમે કેદી નથી. મિશિગનની પ્રજા ઘરમાં રહેવાનો આદેશ નહીં માને. લેનસિંગમાં લોકોએ લૉકડાઉનના વિરોધમાં દિવસભર માર્ગો પર ચક્કાજામ કર્યો. ગવર્નર વ્હિમરે ફરી લોકોને ઘરોમાં રહેવાની કહેવુ પડ્યુ હતું.
મેક્સિકોમાં આ લોકો ક્વૉરન્ટાઈન કરવા માગ કરી રહ્યા છે
મેક્સિકોમાં ઈલેક્ટ્રિક મોટર બનાવતી એક ફેક્ટરીમાં કામ કરનારા એમ્પલોય્સએ લૉકડાઉનને સમર્થન જાહેર કરતા કહ્યું કે તે કોરોનાના જોખમને કારણે ફેક્ટરીમાં કામ નહીં કરે. તેમને ક્વૉરન્ટાઈન કરવામાં આવે.