IPLIN
 

દિવાળી 2022 / દુનિયાના ખૂણેખૂણે દિવાળીની ધૂમ: વ્હાઇટ હાઉસમાં દિવડાનો પ્રકાશ, ઝગમગી ઉઠ્યું બુર્જ ખલીફા, જુઓ તસવીરો 

Team VTV 10:52 AM, 25 Oct 22
Follow us
Diwali buzz around the world: White House lights up, Burj Khalifa lights up

અમેરિકા, કેનેડા સહિત અનેક દેશોમાં લોકોએ દિવાળીની ઉજવણી કરી તો યુએસ પ્રમુખ જો બિડેને વ્હાઇટ હાઉસમાં ભારતીય મૂળના લોકો સાથે દિવાળીની ઉજવણી કરી

  • ભારતની સાથે-સાથે સમગ્ર વિશ્વમાં પણ દિવાળીની ઉજવણી 
  • અમેરિકા, કેનેડા સહિત અનેક દેશોમાં લોકોએ દિવાળીની ઉજવણી કરી
  • યુએસ પ્રમુખ જો બિડેને વ્હાઇટ હાઉસમાં ભારતીય મૂળના લોકો સાથે કરી ઉજવણી
  • વ્હાઇટ હાઉસમાં દિવડાનો પ્રકાશ, ઝગમગી ઉઠ્યું બુર્જ ખલીફા

ભારતની સાથે સમગ્ર વિશ્વમાં પણ દિવાળીની ઉજવણી કરવામાં આવી હતી. અમેરિકા, કેનેડા સહિત અનેક દેશોમાં લોકોએ દિવાળીની ઉજવણી કરી હતી. યુએસ પ્રમુખ જો બિડેને વ્હાઇટ હાઉસમાં ભારતીય મૂળના લોકો સાથે દિવાળીની ઉજવણી કરી હતી. આ દરમિયાન તેમની પત્ની જીલ બિડેન, ઉપરાષ્ટ્રપતિ કમલા હેરિસ સહિત ઘણા ભારતીયો હાજર રહ્યા હતા.

સોમવારે રાત્રે વ્હાઇટ હાઉસમાં દિવાળી પાર્ટીનું આયોજન કરવામાં આવ્યું હતું. જો બિડેન સરકારના કેટલાક ભારતીય-અમેરિકન કર્મચારીઓએ આ કાર્યક્રમમાં ભાગ લીધો હતો. કાર્યક્રમમાં હાજર રહેલા જો બિડેને કહ્યું હતું કે, દિવાળીના અવસર પર વ્હાઇટ હાઉસમાં પ્રથમ વખત આટલા મોટા પાયે રિસેપ્શન થયું. અમારી સરકારમાં અગાઉની સરકારો કરતાં વધુ એશિયન-અમેરિકનોનો સમાવેશ થાય છે. આ અદ્ભુત દિવાળીને અમેરિકન સંસ્કૃતિનો એક ભાગ બનાવવા બદલ આપ સૌનો આભાર.

આ સાથે બિડેને વધુમાં કહ્યું કે, 'દિવાળીના અવસર પર હું વિશ્વભરના હિન્દુ, જૈન, શીખ અને બૌદ્ધ ધર્મના 100 કરોડથી વધુ લોકોને મારી શુભકામનાઓ આપું છું. આ સમયે અમેરિકાની સરકાર વિવિધ સંસ્કૃતિઓથી ઘેરાયેલી છે. ઉપરાષ્ટ્રપતિ કમલા હેરિસ આ પદ સંભાળનાર પ્રથમ અશ્વેત મહિલા છે. આ દરમિયાન જીલ બિડેને એશિયન-અમેરિકન સમુદાયના લોકોની પ્રશંસા કરતા કહ્યું કે, સમુદાયના લોકોએ અમેરિકાને આગળ વધારવામાં યોગદાન આપ્યું છે.

તો વળી અમેરિકી ઉપરાષ્ટ્રપતિ કમલા હેરિસે કહ્યું કે, વ્હાઇટ હાઉસ સામાન્ય લોકોનું ઘર છે. અમેરિકાની ફર્સ્ટ લેડી (જો બિડેનની પત્ની) જીલ બિડેને આ ઘરનું વાતાવરણ એવું બનાવ્યું છે કે અમેરિકાનો કોઈપણ નાગરિક અહીં તેની સંસ્કૃતિ અને તહેવારની ઉજવણી કરી શકે છે.

કેનેડિયન યુનિવર્સિટીમાં પણ દિવાળીની ઉજવણી 

એક ન્યૂઝ એજન્સી અનુસાર કેનેડાના વાટરલૂ શહેરની યુનિવર્સિટીમાં અભ્યાસ કરતા વિદ્યાર્થીઓએ અનોખી રીતે દિવાળીની ઉજવણી કરી હતી.  પ્રથમ સેમેસ્ટરમાં અભ્યાસ કરી રહેલા અનય વૈદ્યએ જણાવ્યું હતું કે, ભારતમાં પરિવાર સાથે તહેવારો ઉજવવાની એક અલગ જ મજા છે, પરંતુ અહીં પણ અમે દિવાળીને ખાસ બનાવવાનો પ્રયાસ કર્યો છે. અનય તેના કેનેડિયન મૂળના મિત્રોને સારી ભારતીય રેસ્ટોરન્ટમાં ખવડાવવા લઈ ગયો હતો. બધાની સાથે હોવાથી તહેવાર પર તેને પોતાના પરિવારની થોડી ઓછી યાદ આવી હતી.

વાટરલૂ યુનિવર્સિટીમાં અભ્યાસ કરતા અન્ય વિદ્યાર્થી આર્યન વિજયને તેના હોસ્ટેલના રૂમને ફ્રિન્જ્ડ લાઇટથી સજાવ્યો હતો. આર્યન તેના પરિવારને ખૂબ યાદ કરી રહ્યો હતો. તેથી તેણે તેના પરિવારના સભ્યોના હસતા ચિત્રોનો કોલાજ બનાવીને તેના રૂમમાં મૂક્યો. આ સિવાય આર્યનએ તેના રૂમને દિવડા અને રંગોળીથી પણ સજાવ્યો હતો.

Diwali 2022 વ્હાઇટ હાઉસ બુર્જ ખલીફા જો બિડેન કમલા હેરિસ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ