આદેશ / સાહેબ, તલાટી આવ્યા છે? સમસ્યાનો ઉકેલ લાવવા બનાસકાંઠામાં જોરદાર આદેશ,લોકોને રાહત

• બનાસકાંઠા જિલ્લા વિકાસ અધિકારીએ જાહેર કર્યો પરિપત્ર 
• તલાટી ક્યારે મળશે તે અંગેનું લગાવવું પડશે નોટિસ બોર્ડ 
• તલાટીમંત્રી ગેરહાજર હશે તો વિસ્તરણ અધિકારીનો થઈ શકશે સંપર્ક

બનાસકાંઠા જિલ્લામાં તલાટીઓની હાજરી બાબતે ઉઠી ફરિયાદોને લઈને લેવાયો નિર્ણય 

બનાસકાંઠા જિલ્લામાં તલાટી કમ મંત્રીઓની હાજરી બાબતે મળતી ફરિયાદોના કારણે બનાસકાંઠાના જિલ્લા વિકાસ અધિકારીએ એક પરિપત્ર કરી સૂચના આપી છે કે, ગ્રામપંચાયતના નોટીસ બોર્ડ પર લોકો સહેલાઈથી વાંચી શકે તે રીતે તલાટી કમ મંત્રીનું નામ-કોન્ટેકટ નંબ૨, કયા વારે, કઈ જગ્યાએ હાજર મળશે તે અંગેની માહિતી આપવી પડશે. 

તલાટીમંત્રી ગેરહાજર હશે તો વિસ્તરણ અધિકારીનો થઈ શકશે સંપર્ક

આ સાથે પરિપત્રમાં એ પણ જણાવાયું છે કે, જો કોઈ તલાટી કમ મંત્રી નક્કી કરેલા દિવસે ગેરહાજર હોય તો વિસ્તાર અધિકારીનો સંપર્ક નંબરની વિગતો પણ નોટીસ બોર્ડ પર લખવાની રહેશે, જેથી તલાટી કમ મંત્રીની ગેરહાજરી બાબતે પણ જાણ કરી શકાશે  

ફરિયાદોની વિગત દર માસની 5મી તારીખે જિલ્લાકક્ષાએ મોકલાશે 

આ સાથે તલાટી કમ મંત્રીની ગેરહાજરી બાબતે તાલુકા કક્ષાએ રજીસ્ટર નિભાવી તેમાં નોંધ કરવાની રહશે.તેમજ આ અંગે કરાયેલી કાર્યવાહીની વિગતો રજીસ્ટરમાં નોંધવા અને આવી મળેલ ફરિયાદોની વિગત દર માસની 5મી તારીખે જિલ્લા કક્ષાએ મોકલી આપવાનો રહેશે