રાજનીતિ / કોંગ્રેસ અધ્યક્ષની ચૂંટણી બની રોચક, વધુ એક દિગ્ગજ નેતા ઉતર્યાં મેદાનમાં, ટૂંક સમયમાં ઉમેદવારી

• કોંગ્રેસ અધ્યક્ષની ચૂંટણી વધી રોચક બની
• દિગ્વિજય સિંહે પણ ચૂંટણી લડવાની કરી જાહેરાત
• થોડા વખતમાં ફાઈલ કરશે નામાંકન 
• શશિ થરૂર અને અશોક ગેહલોત પણ છે મેદાનમાં 

કોંગ્રેસ અધ્યક્ષની ચૂંટણી વધારે રોચક બની છે. શશી થરુર અને અશોક ગેહલોત બાદ હવે વધુ એક મોટા ગજાના નેતા ચૂંટણી મેદાનમાં ઉતર્યાં છે. 

દિગ્વિજય સિંહ હાલ રાહુલ ગાંધીની ભારત જોડો યાત્રામાં ભાગ લઈ રહ્યાં છે 
દિગ્વિજય સિંહ પણ કોંગ્રેસ અધ્યક્ષ પદ માટે ચૂંટણી લડશે. તેઓ ટૂંક સમયમાં જ ચૂંટણી માટે ઉમેદવારી નોંધાવશે. હાલ દિગ્વિજય સિંહ રાહુલ ગાંધી સાથે ભારત જોડો યાત્રામાં ભાગ લઈ રહ્યા હતા. હવે તે આજ રાત સુધીમાં દિલ્હી પરત આવી જશે.

શશિ થરૂર અને અશોક ગેહલોત પણ લડી રહ્યાં છે કોંગ્રેસ અધ્યક્ષની ચૂંટણી 
શશિ થરૂર અને અશોક ગેહલોત પણ કોંગ્રેસ અધ્યક્ષની ચૂંટણી લડી રહ્યાં છે. રાજસ્થાનમાં કોંગ્રેસ પાર્ટીની અંદર થયેલા હંગામા બાદ અશોક ગેહલોતના ચૂંટણી લડવા અંગે શંકા સેવાઈ રહી છે. તો બીજી તરફ શશિ થરૂરના ઉમેદવારને કન્ફર્મ માનવામાં આવે છે. તેઓ 30 સપ્ટેમ્બરે કોંગ્રેસ અધ્યક્ષ પદ માટે ઉમેદવારી નોંધાવાના છે.