Vtv Exclusive / કેટલીક જગ્યાએ તો નવરાત્રિના ગરબા બંધ થઈ ગયા, ધંધુકાના લોકોએ સરકારને કહ્યું- તાત્કાલિક કરવામાં આવે આ કામ

• ધંધુકામાં કિશનની હત્યા બાદ ભારેલો અગ્નિ
• ગ્રામ્ય વિસ્તારમાં પણ ઉઠી અશાંતધારાની માંગ
• હિંદુ વિસ્તારમાં વધી મુસ્લિમ બહુમતિ

ધંધુકામાં કિશન ભરવાડની હત્યાનો મામલે VTV NEWS દ્વારા કરવામાં આવેલ ગ્રાઉન્ડ રિપોર્ટમાં ધંધુકાના લોકોએ અશાંત ધારાની માંગ ઉચ્ચારી છે, આ સાથે જ તેમણે જણાવ્યું હતું કે, છેલ્લા 10 વર્ષમાં ધંધુકામાં 700થી વધુ હિંદુઓએ મકાન વેચ્યા છે. 

સ્થાનિકોએ અશાંતધારાની કરી છે માગ

સ્થાનિકોએ VTV NEWS સાથેની વાતચીતમાં કહ્યું કે,વચલી ફળી, મોઢવાળા પોળ, લીંબડી ફળી તથા સુથારવાડા, ખાંડાચોરામાં અશાંત ધારાની માગણી કરી છે. નોંધનીય છે કે, હિન્દુ મકાન માલિકો ધંધુકામાં મકાન વેચીને નીકળી ગયા છે. તો કેટલીક જગ્યાએ પંરાપરાગત નવરાત્રીના ગરબા પણ બંધ થયા હતા. 

સમગ્ર ઘટના શું હતી ?

ધંધુકા ખાતે ગત મંગળવારે મોડી રાત્રે કિશન ભરવાડ નામનો યુવક જુના ઘર પાસેથી પસાર થતો હતો. ત્યારે બે અજાણ્યાં શખસોએ આવીને ફાયરિંગ કર્યું હતું. જેમાં એક મિસ ફાયર થયું હતું અને બીજી ગોળી વાગતા કિશનનું હોસ્પિટલમાં લઈ જતા જ મોત થયું હતું. ઘટનાને પગલે માલધારી સમાજમાં રોષ ફેલાયો હતો. 

કંગના રણૌતે પણ આપ્યું છે નિવેદન 

ગુજરાતના અમદાવાદમાં આવેલ ધંધુકામાં કિશન ભરવાડ નામના યુવકની હત્યા થઈ છે. જે હાલ ઘણો ચર્ચાનો વિષય બન્યો છે. ગત 25 તારીખે યુવક કિશન ભરવાડની ગોળી મારીને હત્યા કરી દેવામાં આવી છે. જેના કારણે હાલ ગુજરાતનું રાજકારણ પણ ગરમાયું છે. ત્યારે બોલીવૂડ એક્ટર કંગના રાણાવતે પણ કિશન ભરવાડની હત્યાને લઈને સોશિયલ મીડિયા પર એક પોસ્ટ કરી છે. 

એટીએસની ટીમના હાથમાં આવ્યો આખો કેસ 

ઉલ્લેખનીય છે કે યુવક કિશન ભરવાડની હત્યાના કેસમાં વધું એક આરોપીની રાજકોટથી ધરપકડ કરવામાં આવી છે. રાજકોટ પોલીસે અજીમ સમા નામના આરોપીની ધરપકડ કરી છે. જેણે આરોપી મૌલવીને હથિયાર આપ્યા હતા. જોકે આ કેસ હવે એસઓજીની ટીમ દ્વારા એટીએસને આપી દેવામાં આવ્યો છે. ગઈકાલે મોરબીથી પણ હત્યામાં સંડોવાયેલા એક આરોપીની ધરપકડ કરવામાં આવી હતી અને અત્યાર સુધીમાં આ કેસમાં કુલ 6 આરોપીઓને ઝડપી પાડવામાં આવ્યા છે.

અશાંત ધારા એટલે શું? 

• મકાન કે દુકાન વેચવી હોય તો નિયંત્રણ લાગે 
• મિલકત વેચવા માટે કલેક્ટરને જાણ કરવી પડે 
• કલે~ટરને મિલકત વેચવાનું કારણ જણાવવું પડે 
• મિલકત કોને વેચી રહ્યાં છો તેની વિગત પણ આપવી પડે 
• કલે~ટર ખરીદનાર-વેચનારની સુનાવણી હાથ ધરે 
• કલે~ટરને ઠીક લાગે તો જ સોદો થયેલો ગણાય 
• કોમી તોફાનો પછી મિલકતોના ખરીદ-વેચાણની ફરિયાદો હતી 
• જેના પગલે અશાંત ધારા નામે કાયદો બનાવાયો 
• તોફાનો બાદ ખાલી પડેલી મિલકતો પચાવી પાડતા હતા 
• કોમી વૈમનસ્ય વધે નહી તે માટે અશાંત ધારો ઉપયોગી