લૉકડાઉન / જો હવે સોસાયટી અને કોમન પ્લોટમાં પણ ભેગા થશો તો પોલીસ આવી રીતે ઝડપી લેશેઃ DGP

• ગુજરાતમાં કોરોના વાયરસથી 4ના મોત
• રાજ્યમાં કુલ 53 લોકોના કોરોના રિપોર્ટ પોઝિટિવ
• લૉકડાઉનની સ્થિતિ પર ઉલ્લંઘન કરનાર વિરૂદ્ધ કરીશું કાર્યવાહીઃ શિવાનંદ ઝા

DGP શિવાનંદ ઝાએ કહ્યું કે, યુવકોને અપીલ છે ખોટા બહાના બતાવી બહાર ન નિકળો. નહિતર પોલીસ કડક કાર્યવાહી કરશે. પોલીસ ગુનો દાખલ કરશે તો કારર્કિદી પર અસર થઇ શકે છે. ગુનો દાખલ થશે તો પાસપોર્ટ લેવામાં તકલીફ પડી શકે છે. તમામ યુવકો ઘરમાં જ રહે. હોમ ક્વોરોન્ટાઇન કરાયેલા લોકોને પોલીસ ચેક કરી રહી છે.

ડ્રોન દ્વારા સોસાયટી પર નજર: DGP

વધુમાં તેમણે કહ્યું કે, સોસાયટીના કોમન પ્લોટમાં લોકો ભેગા થવાની ફરિયાદ આવી છે. કોમન પ્લોટમાં લોકોને ભેગા ન થવા અપીલ કરી છે. ડ્રોન દ્વારા સોસાયટી પર નજર રાખી રહ્યાં છીએ. જે પણ વ્યક્તિ બહાર રખડતો નજરે પડશે અથવા ટોળુ દેખાશે તો તેમની ઓળખ કરીને કાર્યવાહી કરવામાં આવશે.

સોશિયલ મીડિયામાં ચાલી રહેલ અફવા અંગે કહ્યું કે, સોશિયલ મીડિયામાં અફવા ફેલાવશો તો ગુનો દાખલ કરાશે. દાહોદ-2 અને ભાવનગર રેન્જમાં 4 ગુના દાખલ કરાયા છે. IPS એસોસિએશને રાહત ફંડમાં એક દિવસનો પગાર આપશે.

ગુજરાત પોલીસ દ્વારા કરાયેલ કાર્યવાહી

• જાહેરનાર ભંગ - 608
• ક્વોરોન્ટાઇન ભંગ - 392
• આરોપી અટક - 1595
• જપ્ત વાહનો - 3365
• અત્યાર સુધી કુલ 3857 આરોપીની ધરપકડ કરાઇ છે