રાજકારણ / કોંગ્રેસમાં ભારે ઘમાસાણ વચ્ચે પ્રિયંકા ગાંધીને CM બનાવવા માંગ, જુઓ અત્યારે કોનું નામ ચાલી રહ્યું છે આગળ

• પંજાબમાં પ્રિયંકા ગાંધી CM બને તેવી સમર્થકોની માગ 
• હાલ સુનીલ જાખડનું CM પદે નામ સૌથી આગળ 
• મુખ્યમંત્રી સહિત 2 નાયબ મુખ્યમંત્રી રાખવામાં આવશે 

પંજાબમાં કેપ્ટન અમરિંદર સિંહે રાજીનામુ આપ્યું ત્યારબાદથી પંજાબમાં હડકંપ મચેલો છે. નવા મુખ્યમંત્રીની રેસમાં ઘણા લોકોના નામ સામે આવી રહ્યા છે. અંબિકા સોનને મુખ્યમંત્રી બનવાની ઓફસ કોંગ્રેસે આપી હતી. પરંતુ તેણે તે ઓફર નકારી દીધી. ત્યારે આવા સમયે કોંગ્રેસના સમર્થકો પ્રિયંકા ગાંધીને મુખ્યમંત્રી બનવા માટે અપીલ કરી રહ્યા છે. 

પ્રિયંકા ગાંધી મુખ્યમંત્રી બને તેવી માગ 

કોંગ્રેસના નેતા ગુરસિમરન સિંહ મંડ દ્વારા ટ્વીટ કરીને એવું કહેવામાં આવ્યું કે જો કરોઈ મહિલાને મુખ્યમંત્રી બનાવાની વાત ચાલી રહી છે. તો પ્રિયંકા ગાધી એક માત્ર સૌથી શ્રેષ્ઠ વિકલ્પ છે. સાથેજ તેણે કહ્યું કે જો પ્રિયંકા ગાંધી જો મુખ્યમંત્રી બનશે તો પંજાબ કોંગ્રેસના જે હલચલ ચાલી રહી છે. તે પણ સમાપ્ત થઈ જશે. 

બે નાયબ મુખ્યમંત્રી બનશે તેવી શક્યતા 

બીજી તરફ સૂત્રો દ્વારા એવી માહિતી પણ સામે આવી છે કે પંજાબમાં મુખ્યમંત્રીની સાથે બે નાયબ મુખ્યમંત્રીની પણ પસંદગી કરવામાં આવી શકે છે. જે મામલે પંજાબ કોંગ્રેસ અધ્યક્ષ નવજોત સિંહ સિદ્ધુ પણ બેઠકો કરી રહ્યા છે. 

સુનીલ જાખડનું CM પદે સૌથી આગળ નામ 

સૂત્રો દ્વારા એવી પણ માહિતી સામે આવી છે કે પંજાબમાં મુખ્યમંત્રી પદ માટે કોંગ્રેસમાં ઈન્ટરનલ વોટિંગ થઈ છે. જેમા સુનીલ જાખડને સૌથી વધારે વોટ મળ્યા છે. જ્યારે સુખવિંદર સિંહ રંઘાવા બીજા નંબરે આવે છે અને ત્રીજા નંબરે પરનીત કૌર આવે છે. આ માહિતી સામે આવ્યા બાદ સુનીલ જાખડના આવાસ સ્થાને લોકો ફુલો લઈને પહોચી રહ્યા છે.