દેશમાં આજકાલ કાતિલ ઠંડી પડી રહી છે. અમુક વિસ્તારોમાં બરફ વર્ષા સાથે ઠંડીના કારણે જનજીવન ખોરવાયું છે તો Delhi માં તો 122 વર્ષ જૂનો વરસાદનો રેકોર્ડ તૂટયો હતો.
સામાન્ય રીતે ઉત્તરાયણ પછી ઠંડી ઓછી થઈ જતી હોય છે પણ આ વખતે તો જાન્યુઆરી મહીનો પૂરો થવા જઈ રહ્યો છે, પણ ઠંડીમાં જરી ઘટાડો થતો જણાતો નથી.
ઉત્તરના પહાડોથી લઈ મેદાની વિસ્તારો સુધી કડકડતી ઠંડી પડી રહી છે. જમ્મુ-કાશ્મીર અને હિમાચલ પ્રદેશના ઉંચાઈવાળા વિસ્તારોમાં ભારે બરફ વર્ષા થઈ રહી છે. તેની અસર દેશમાં ગુજરાત, રાજસ્થાન અને મધ્ય પ્રદેશ સુધી જોવા મળી રહી છે. અમદાવાદમાં 8.2 ડિગ્રી લઘુતમ તાપમાન નોંધાયું હતું અને ગાંધીનગરમાં તો 7 ડિગ્રી જેટલી ઠંડી પડી હતી.
દિલ્હીમાં 122 વર્ષ જૂનો રેકોર્ડ તૂટયો
દિલ્હીમાં 122 વર્ષનો વરસાદનો રેકોર્ડ તૂટ્યો છે. 122 વર્ષ બાદ જાન્યુઆરી મહિનામાં અહીં 88.2 મિમી વરસાદ થયો છે. આ અગાઉ 1989માં દિલ્હીમાં વર્ષના અગાઉ 1989માં દિલ્હીમાં વર્ષના પહેલા મહિનામાં 79.7 મિમી વરસાદનો નોંધાયો હતો. વર્ષ 1901માં હવામાન વિભાગ પ્રમાણે વર્ષ 1901 બાદ જાન્યુઆરી મહિનામાં દિલ્હીમાં સૌથી વધારે વરસાદ થયો છે.
શિમલામાં 10 ઈંચ બરફ પડ્યો
ઉત્તરભારતમાં તો અમુક સ્થળોએ ભારે ઠંડી અને હિમવર્ષા થઈ રહી છે. હવામાન વિભાગના જણાવ્યા પ્રમાણે ચંબા, લાહોલ-સ્પીતિ, કુલ્લુ, કિન્નોર, શિમલા અને મંડીના ઉચ્ચ શિખર પર હિમવર્ષા અને નીચેના વિસ્તારોમાં વરસાદ થઈ રહ્યો છે. શિમલામાં 10 ઈંચ, કુફરીમાં દોઢ ફુટ, નારકંડામાં લગભગ બે ફુટ હિમવર્ષા થઈ ચુકી છે.
મધ્ય પ્રદેશમાં 30 વર્ષનો રેકોર્ડ તૂટ્યો
મધ્ય પ્રદેશમાં 30 વર્ષ બાદ ઠંડીએ જાન્યુઆરીનો રેકોર્ડ નોંધાવ્યો છે. ભોપાલ અને જબલપુરમાં સરેરાશ ઠંડો દિવસ આશરે 4 ગણો ઠંડો થઈ ગયો છે.
જન-જીવન ખોરવાયું
ઉત્તર ભારતના અમુક પ્રદેશમાં છેલ્લા 15 કલાક થઈ રહેલા વરસાદ અને હિમવર્ષાથી 300 કરતાં વધારે માર્ગો અને 250થી વધારે વિદ્યુત ટ્રાન્સફોર્મર (DTR) ઠપ્પ થઈ ગયા છે. ઉંચા વિસ્તારોમાં આજે દૈનિક વપરાશની ખાદ્ય વસ્તુ દૂધ, માખણ, બ્રેડ અને શાકભાજીનો પુરવઠો પહોંચી રહ્યો નથી. જેના કારણે જનજીવન ખોરવાયું છે. અને મોટાપાયે નુકસાન થઈ રહ્યું છે.