દિલ્હી હાઈકોર્ટે ગુરુવારે કેન્દ્ર સરકારને ટાર્ગેટ કરતા ટિપ્પણી કરી છે. કોર્ટે મેક ઈન ઈન્ડિયા અને આત્મનિર્ભર ભારતના કેમ્પેઈનને ઢોંગ ગણાવ્યું છે. હાઈ કોર્ટે કહ્યું કે કેન્દ્ર સરકાર સ્થાનીક ઉદ્યોગોને પ્રોત્સાહિત કરવાને લઈને ‘પાખંડી’ સાબિત થઈ છે. હાઈકોર્ટે આ ટિપ્પણી સ્થાનીક હવાઈ અડ્ડાઓ પર ગ્રાઉન્ડ હેન્ડલિંગ ઉપલબ્ધ કરાવવા માટે બહાર પાડવામાં આવેલા ટેન્ડરોમાં કંપનીઓની પાત્રતાના માપદંડમાં મોટા ફેરફારને લઈને કરી હતી.
પ્રભૂત્વના કારણે સરકાર પર પોતાની શરતે કામ કરાવશે
ટેન્ડરોને માન્યતા અરજીના નિકાલના નિર્ણય પર આધાર રાખશે
તમે સંપૂર્ણ રીતે પાખંડી છો
હાઈકોર્ટની પીઠ સેન્ટર ફોર એવિએશન પોલીસી, સેફ્ટી એન્ડ રિસર્ચની અરજી પર સુનવણી કરી હતી. પીઠના કેન્દ્ર અને એએઆઈને નોટિસ જાહેર કરતા જવાબ માંગ્યો છે અને સાથે નિર્દેશ આપ્યો છે કે ટેન્ડરોને માન્યતા અરજીના નિકાલના નિર્ણય પર આધાર રાખશે.
દિલ્હી હાઈકોર્ટે આ મુદ્દે રાજનીતિક નેતૃત્વ પર કલક વલણ અપનાવ્યું છે અને કહ્યું છે કે આ બહું દુઃખની વાત છે કે એકતરફ સરકાર મેક ઈન ઈન્ડિયા અને આત્મનિર્ભર બનવાની વાત કરી રહી છે. તથા બીજી તરફ ટેન્ડર બહાર પાડે છે જે નાની કંપનીઓને સ્થાનીક એરપોર્ટ પર ગ્રાઉન્ડ હેન્ડલિંગ સર્વિસને લઈને ભાગીદારી કરવાથી રોકે છે.
જજ વિપિન સાંધી અને જસ્ટિસ રજનીશ ભટનાગરની પીઠે કહ્યું કે હકિકતમાં આ બતાવે છે કે જો તમે હકિકતમાં આ લોકો(નાની કંપનીઓ)ને હટાવવા માંગો છો તો એમ જ કહો. પોતાના ભાષણમાં મોટી મોટી વાતો કરે છે. તમારુ રાજનીતિક નેતૃત્વ મેક ઈન ઈન્ડિયા, આત્મનિર્ભર ભારતની વાત કરે, તે સ્થાનીક ઉદ્યોગોને પ્રોત્સાહિત કરવાની વાત કરે છે પરંતુ કાર્યવાહી તમારા શબ્દો સાથે મેળ નથી ખાતી. તમે સંપૂર્ણ રીતે પાખંડી છો.
ટેન્ડરમાં ભાગ લેવાના માપદંડ એવા છે જે મોટી કંપનીઓ જ પુરી કરી શકે તેવી છે. સ્થાનીક એરપોર્ટ પર આવનારા ફ્લાઈટોની સંખ્યા ઓછી હોય છે. ત્યાં કામ કરનારા નાના ખેલાડી (નાની કંપની)ના ચાર્ટડ એરલાઈન્સને સંભાળવાનો અનુભવને અનદેખો કરી દીધો છે. કોર્ટે કહ્યુંકે જો નાના ખેલાડીઓને વિકસિત નહીં થવા દેવાય તો થોડાક જ સ્થાપિત મોટા ખેલાડીયો બચશે. જે પોતાના માર્કેટ પર પ્રભૂત્વના કારણે સરકાર પર પોતાની શરતે કામ કરાવશે.