દિલ્હી હાઈકોર્ટે દિલ્હી મ્યુનિસિપલ કોર્પોરેશનની કથિત અમાનવીય કાર્યવાહીની નોંધ લીધી છે. MCDએ લગભગ 300 બેઘર કૂતરાઓની સંભાળ રાખતી વૃદ્ધ મહિલા પ્રતિમા દેવીની ઝુંપડીને તોડી પાડી છે.
300 બેઘર કૂતરાઓની સંભાળ રાખતી મહિલા
વૃદ્ધ પ્રતિમા દેવીની ઝુંપડીને MCD એ તોડી પાડી
38 વર્ષથી જર્જરિત મકાનમાં કૂતરાની સંભાળ લે છે
દિલ્હી હાઈકોર્ટે દિલ્હી મ્યુનિસિપલ કોર્પોરેશન (MCD)ની કથિત અમાનવીય કાર્યવાહીની નોંધ લીધી છે. અહેવાલો અનુસાર, MCDએ લગભગ 300 બેઘર કૂતરાઓની સંભાળ રાખતી વૃદ્ધ મહિલા પ્રતિમા દેવીની ઝુંપડીને તોડી પાડી છે. દિલ્હી હાઈકોર્ટે બુધવારે કેસની સુનાવણી પૂરી ન થાય ત્યાં સુધી સ્ટે ઓર્ડર જારી કર્યો હતો. અહેવાલો અનુસાર, 80 વર્ષીય પ્રતિમા દેવી છેલ્લા લગભગ 38 વર્ષથી દિલ્હીના સાકેત વિસ્તારમાં એક જર્જરિત ઝૂંપડીમાં બેઘર કૂતરાઓની સંભાળ લઈ રહી છે.
ઝૂંપડપટ્ટી તોડી નાખ્યા બાદ રસ્તે રજ્ડ્યા
ઝૂંપડપટ્ટી તોડી નાખ્યા પછી, પ્રતિમાને કૂતરાઓ સાથે શેરીમાં રહેવાની ફરજ પડી છે. હવે હાઈકોર્ટે બુધવારે આ મામલાની સુનાવણી પૂર્ણ થાય ત્યાં સુધી સ્ટે ઓર્ડર પર સ્ટે મુક્યો છે ત્યારે 80 વર્ષીય પ્રતિમાને આ હાડકાં થીજવતી ઠંડીમાં થોડી રાહત મળવાની આશા છે.
Since morning the dogs have not been fed. I came to Delhi in 1984. Since then I've been taking care of dogs. I am 80 years old now. I don't have the physical strength to move around or look for work. I want to stay here & take care of these dogs for as long as I live:Pratima Devi pic.twitter.com/0ouoPvwVjs
આસપાસના લોકો મદદે આવ્યા
અહેવાલો અનુસાર, લોકો તેમની ઝૂંપડપટ્ટીને તોડી પાડવાના સમાચાર પછી મદદ માટે પહોંચી રહ્યા છે. કેટલાક કૂતરા માટે ખોરાક લાવી રહ્યા છે તો કેટલાક વૃદ્ધ મહિલા માટે ગરમ કપડાં લાવી રહ્યા છે. MCDની કાર્યવાહી બાદ પ્રાણી પ્રેમી સૂરજ પણ પ્રતિમા દેવીની મદદ કરવા પહોંચી ગયો હતો.
નોટીસ વગર કાર્યવાહી
સમાચાર એજન્સીના રિપોર્ટ અનુસાર, "આ તીવ્ર ઠંડીમાં જ્યાં લોકોને ઘરની બહાર નીકળવું મુશ્કેલ થઈ રહ્યું છે, ત્યાં મહિલાઓ ઘણા રખડતા કૂતરાઓને આશ્રય આપીને મૂંગા જીવોની મદદ કરી રહી છે. લોકોએ તેમની મદદ કરવી જોઈએ." MCDની કાર્યવાહી ખોટી છે. કાર્યવાહી પહેલા કોઈ નોટિસ આપવામાં આવી ન હતી."
80 વર્ષના દાદી
સૂરજના કહેવા પ્રમાણે, લગભગ 300 કૂતરાઓની સંભાળ રાખવી એ સરળ કામ નથી, પરંતુ તે આટલા બધા કૂતરાઓને માત્ર આશ્રય જ નથી આપી રહી પરંતુ તેમને ખાવા-પીવાની પણ વ્યવસ્થા કરી રહી છે. 80 વર્ષની પ્રતિમા કૂતરા પ્રેમી છે, આવી સ્થિતિમાં બેઘર હોવા છતાં તે કૂતરાઓનું પણ સંપૂર્ણ ધ્યાન રાખે છે. સૂરજે અપીલ કરી છે કે લોકો તેમની મદદ માટે આગળ આવે.
આ પહેલા પણ કાર્યવાહી કરી હતી
PVR સાકેત પાસે પાર્કિંગમાં કામ કરતા એક વ્યક્તિએ જણાવ્યું કે તે છેલ્લા ઘણા સમયથી જોઈ રહ્યો છે કે વૃદ્ધ મહિલા પ્રતિમા કૂતરાઓની મદદ કરે છે. તેમણે કહ્યું, "ઘણી વખત લોકો તેમના કૂતરાઓને છોડીને જતા રહે છે. અમ્મા આ કૂતરાઓને આશ્રય આપે છે અને તેમને ખવડાવતા હોય છે." વ્યક્તિએ આરોપ લગાવ્યો હતો કે અગાઉ 2017માં પણ MCDએ પ્રતિમા દ્વારા કૂતરાઓ માટે બનાવેલા કામચલાઉ આશ્રયસ્થાનને તોડી પાડ્યું હતું.