દિલ્હી સરકારે ગરીબોની કસ્તૂરી ગણાતી ડુંગળીના આસમાને પહોંચેલા ભાવથી સામાન્ય જનતાને રાહત આપવાની તૈયારી કરી લીધી છે. દિલ્હીમાં આમ આદમી પાર્ટીની સરકાર જલ્દી જ લોકોને સસ્તી ડુંગળી ઉપલબ્ધ કરાવશે. દિલ્હીના મુખ્યમંત્રી અરવિંદ કેજરીવાલે સોમવારે કહ્યું કે સરકાર ડુંગળી ખરીદી રહી છે. આશા છે કે, દસ દિવસમાં જ ડુંગળીનું વેચાણ શરૂ થઇ શકે છે. ત્યારે દિલ્હી સરકારના આ નિર્ણયથી ગુજરાત સરકાર પ્રેરણા લેતો સારૂ.
ડુંગળીના વધી રહેલા ભાવને લઇ દિલ્હી સરકારનો નિર્ણય
24 રૂપિયા પ્રતિકિલો ડુંગળીનું કરશે વેચાણ
દિલ્હી સરકાર વેચશે ડુંગળી
અરવિંદ કેજરીવાલે કહ્યું કે, આ ડુંગળીની કિંમત 24 રૂપિયા કિલોગ્રામ હશે. સરકાર ડુંગળી તમામ રાશનની દુકાન અને મોબાઇલ વેન દ્વારા વેચશે. દિલ્હીના મુખ્યમંત્રી અરવિંદ કેજરીવાલે કહ્યું કે ડુંગળીના ભાવમાં અચાનક વધારાને ધ્યાનમાં લેતા હવે સરકારે ખુદ ડુંગળી વેચવાનો નિર્ણય લીધો છે.
ડુંગળીનો જથ્થા દેશમાં ઓછો થઇ રહ્યો છે
Delhi Chief Minister Arvind Kejriwal on recent increase in price of onions: We are procuring onions and we will try to supply it at Rs 24 through mobile vans. Tenders have been floated for this. pic.twitter.com/CVvQEQvFt0
નોંધનીય છે કે, દેશની રાજધાની દિલ્હી સ્થિત આઝાદપુર બજારમાં ડુંગળીનો જથ્થાબંધ ભાવ 50 રૂપિયા કિલો થયો છે. જો કે, 2015 બાદ તેના આસમાને પહોંચ્યા છે. તો એશિયાના સૌથી મોટા બજાર મહારાષ્ટ્રના લાસલગામમાં ડુંગળી 50 રૂપિયા પ્રતિકિલો થયાં છે. વેપારીઓએ જણાવ્યું કે, દેશમાં ડુંગળીનો જથ્થો ખૂબ જ ઓછો છે, જેના કારણે બજારમાં ડુંગળીના ભાવ આસમાન પહોંચ્યા છે.
2015 માં ડુંગળીના ભાવ પહોંચ્યા હતા આસમાને
આ અગાઉ 2015 માં ડુંગળીના ભાવ 50 રૂપિયા પ્રતિ કિલોથી ઉપર પહોંચી ગયા હતા. જો કે, સરકાર વારંવાર કહી રહી છે કે ડુંગળીનો સંપૂર્ણ સ્ટોક છે. શુક્રવારે દિલ્હીમાં ડુંગળીની આવક 1,026 ટન હતી, જ્યારે દિલ્હીમાં ડુંગળીનો વપરાશ દરરોજ 3,000 ટન જેટલો થાય છે. જો કે ડુંગળીના ભાવમાં વધારાને કારણે તેના વપરાશને પણ અસર થઈ છે અને તે ઘટીને 2,500 ટન થઈ ગઈ છે.
મંત્રાલયે આપી માહિતી
ગ્રાહક બાબતોના મંત્રાલયના ડેટા અનુસાર, ગયા અઠવાડિયે દિલ્હીમાં ડુંગળીનો છૂટક ભાવ પ્રતિ કિલો 57 રૂપિયા હતો. તે મુંબઇમાં 56, રૂપિયા, કોલકાતામાં 48 અને ચેન્નઇમાં 34 રૂપિયા પ્રતિ કિલો હતા.
ગુરુગ્રામ અને જમ્મુમાં ડુંગળી 60 રૂપિયા કિલો પર પહોંચી ગઈ છે. જો કે મળતી માહિતી મુજબ ગયા અઠવાડિયાના અંત સુધીમાં ડુંગળીનો છૂટક ભાવ પ્રતિ કિલો 70 થી 80 રૂપિયા સુધી પહોંચી ગયો છે. ગયા અઠવાડિયે ડુંગળીનો ભાવ 50 થી 60 રૂપિયા પ્રતિ કિલો હતો.