જેલમાં જમાવટ / BIG NEWS : મનિષ સિસોદીયાને મળ્યો વધુ એક 'જેલ ડોઝ', વધુ 14 દિવસ રહેશે જ્યુડિશિયલ કસ્ટડીમાં, 17 એપ્રિલે ફેંસલો

• દિલ્હી એક્સાઈઝ કૌભાંડમાં મનિષ સિસોદીયાનો જેલવાસ લંબાયો
• કોર્ટે વધુ 14 દિવસ મોકલ્યાં જ્યુડિશિયલ કસ્ટડીમાં
• હવે 17 એપ્રિલ સુધી રહેશે કસ્ટડીમાં

દિલ્હીની રાઉઝ એવન્યુ કોર્ટે સોમવારે પૂર્વ નાયબ મુખ્ય પ્રધાન મનીષ સિસોદિયાની જ્યુડિશિયલ કસ્ટડી 17 એપ્રિલ સુધી વધારી છે. સેન્ટ્રલ બ્યુરો ઓફ ઈન્વેસ્ટિગેશન દ્વારા મુદત વધારવાની માગણી કરવામાં આવ્યા બાદ આ ઘટનાક્રમ સામે આવ્યો છે અને દલીલ કરવામાં આવી છે કે તેની તપાસ નિર્ણાયક તબક્કે છે. સીબીઆઈએ આજે તેમને કોર્ટમાં રજૂ કરવા લઈ આવી હતી અને તેમની કસ્ટડી વધારવાની માગ કરાઈ હતી. કોર્ટે તેમની વાત માન્ય રાખીને સિસોદીયાને વધુ 14 દિવસ કસ્ટડી રાખવાની મંજૂરી આપી દીધી હતી. 

Rouse Avenue Court extends judicial custody of Delhi's former Deputy Chief Minister Manish Sisodia till April 17, 2023, in CBI's case related to alleged irregularities in the now-scrapped excise policy. pic.twitter.com/3DoBqQgwQj

— ANI (@ANI) April 3, 2023

આ વખતે કોર્ટે કેમ વધારી કસ્ટડી
આ વખતની રજૂઆતમાં સીબીઆઈએ એવું કહ્યું કે દિલ્હી દારુ કૌભાંડમાં અમારી તપાસ નિર્ણાયક તબક્કે છે તેથી વધુ 14 દિવસ કસ્ટડીની જરુર છે. સીબીઆઈની આ એક દલીલને આધારે જ કોર્ટે વધુ 14 દિવસ કસ્ટડીમાં રાખવાની મંજૂરી આપી દીધી હતી. 

CBI tells Delhi court investigation at crucial stage in excise scam corruption case in which Manish Sisodia is in judicial custody

— Press Trust of India (@PTI_News) April 3, 2023

26 ફેબ્રુઆરીએ થઈ હતી ધરપકડ 
નવી લીકર પોલિસીમાં ભ્રષ્ટાચારના આરોપસર દિલ્હીના પૂર્વ નાયબ મુખ્યમંત્રી મનીષ સિસોદિયા હાલ જેલમાં બંધ છે. જે 26 ફેબ્રુઆરીના રોજ તેમની ધરપકડ કરવામાં આવી હતી. જેમને જામીન અરજી કરી હતી. જે કોર્ટે ફગાવી દેતા હજુ પણ તેમને જેલમાં રહેવું પડશે અને નીચલી કોર્ટના નિર્ણય સામે તેઓ દિલ્હી હાઇકોર્ટમાં અપીલ કરશે તેવું જાણવા મળી રહ્યું છે.