IPLIN
 
  • Home
  • India
  • Delhi assembly election 2020 attack on convoy of mehrauli mla naresh yadav aap

Delhi Elections Results 2020 / જીતની ઉજવણી કરી રહેલા આ AAPના ધારાસભ્યનાં કાફલા પર કેમ હુમલો થયો?

Team VTV 08:19 AM, 12 Feb 20
Follow us
Delhi assembly election 2020 attack on convoy of mehrauli mla naresh yadav aap

દિલ્હી વિધાનસભા ચૂંટણીમાં આમ આદમી પાર્ટીને મોટી જીત મળી છે. ત્યારે AAPના ધારાસભ્ય નરેશ યાદવ મહરૌલીમાં જીતનુ સેલિબ્રેશન કરી રહ્યા હતા. આ દરમિયાન તેમના કાફલા પર મંગળવારે મોડી રાતે હુમલો થયો હતો. જેમાં એક કાર્યકર્તાનું મોત નિપજ્યું હતું. જ્યારે એક ઘાયલ થયો હતો. AAP સાંસદ સંજય સિંહે આ ઘટના અંગે ટ્વીટ કરી હતી.

  • મહરૌલી ધારાસભ્ય નરેશ યાદવના કાફલા પર હુમલો થયો હતો. 
  • હુમલામાં એક વ્યક્તિનું મોત નિપજ્યું હતું જ્યારે એક ઘાયલ થયો હતો. 
  • AAPના સાંસદ સંજય સિંહે આ ઘટના અંગે ટ્વીટ પણ કરી હતી

સંજય સિંહે ટ્વીટ કરી લખ્યું

સંજય સિંહે ટ્વીટમાં લખ્યું હતું કે  મહરૌલીમાં ધારાસભ્ય નરેશ યાદવના કાફલા પર હુમલો થયો છે. સંજય સિંહે દાવો કર્યો હતો કે હુમલામાં અશોક નામના એક વ્યક્તિનું મોત નિપજ્યું હતું
સંજયે મોડી રાતે કરેલી ટ્વીટમાં કહ્યું હતુ કે , ‘મહરૌલીના ધારાસભ્ય નરેશ યાદવના કાફલ પર હુમલો કરી અશોક માનની જાહેરમાં હત્યા. આ છે દિલ્હીમાં કાયદાનું રાજ. નરેશ મંદિર દર્શન કરીને પાછા ફરી રહ્યા હતા. જોકે આ ઘટનાને પગલે પોલીસે કોઈ પ્રતિક્રિયા આપી નથી. 

 

 

દિલ્હી પોલીસે આને ગેંગવોર ગણાવ્યું

દિલ્હી પોલીસના જણાવ્યાનું સાર દિલ્હી કિશનગઢ ફોર્ટિજ ચોક પાસે AAPનાં ધારાસભ્ય નરેશના કાફલો પસાર થઈ રહ્યો હતો. તે સમયે કેટલાક હુમલાખોરોએ કાફલા પર હાજર બે લોકો પર ફાયરિંગ શરુ કરી દીધું હતું. આ ઘટનામાં એકનું મોત નિપજયુ હતું અને હરેન્દ્ર નામનો એક વ્યક્તિ ઘાયલ થયો હતો. ઘટના સ્થળેછી 6-7 બુલેટના ખોખા મળ્યા હતા. 

 અચાનક 4 ગોળી ચાલી

નરેશે કહ્યું હતું કે આ હુમલો બહું દુઃખદ છે. હુમલા પાછળનું કારણ મને ખબર નથી. અચાનક 4 ગોળી ચાલી હું જે ગાડીમાં હતો તેના પર પણ હુમલો કરવામાં આવ્યો હતો. પોલીસ તપાસમાં મદદ કરવા તૈયાર છું.

 

અશોક પહેલા અન્ય ગ્રુપ પર ગોળી ચલાવી છુપાઈ ગયો હતો

સૂત્રોનું માનવું છે કે આ બે ગેંગ વચ્ચેનું ગેંગવોર હતું. મંગળવારે હુમલામાં મરનાર અશોક પહેલા અન્ય ગ્રુપ પર ગોળી ચલાવી છુપાઈ ગયો હતો. આજે AAPનો વોલેન્ટિયર હોવાથી સેલિબ્રેશન માટે બહાર આવ્યો હતો.જેનો લાભ લઈ તેની પર હુમલો કરવામાં આવ્યો હતો. 

Delhi Elections Results 2020 attack on convoy aap MLA દિલ્હી delhi દિલ્હી ધારાસભ્ય હુમલો આપ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ