VIDEO / રાજનાથ સિંહને હાર પહેરાવાની લ્હાયમાં સમર્થકોએ ધક્કા-મુક્કી કરી નીચે પાડી દીધા, સમર્થકો સન્માન કરવામાં ભાન ભૂલ્યા

• રક્ષામંત્રીનું સન્માન કરવામાં સમર્થકો ભાન ભૂલ્યા
• રક્ષામંત્રીને ઊભા રહેવાની જગ્યા પણ ન રાખી
• ધક્કા-મુક્કી કરી સોફા પર પાડી દીધા

પંજાબ સહિત અન્ય પાંચ રાજ્યોમાં વિધાનસભા ચૂંટણીમાં ભાજપ પોતાના દમખમ સાથે મેદાનમાં ઉતર્યું છે. આ જ ક્રમમાં ગુરૂવારે કેન્દ્રીય રક્ષામંત્રી રાજનાથ સિંહ પંજાબના ફરીદકોટમાં એક જાહેરસભાને સંબોધન કરવા પહોંચ્યા હતા. કાર્યક્રમ દરમિયન મંચ પર તેમને હાર પહેરાવાનો હતો. પણ હાર પહેરાવાની હોડમાં લોકોએ રાજનાથ સિંહને જ ભૂલી ગયા. મંચ પર સમર્થકોની ભીડ અને ધક્કા મુક્કીના કારણે રાજનાથ સિંહ સોફ પર પડી ગયા હતા. જે બાદ તેમણે માળા પહેરવાની ના પાડી દીધી હતી.

#Punjab में धक्का-मुक्की में सोफ़े पर गिरे रक्षा मंत्री। गुस्साए राजनाथ सिंह ने माला पहनने से किया इनकार।

पंजाब के फ़रीदकोट में मंच पर हार पहनने की लगी थी होड़। #PunjabElections pic.twitter.com/2FiROomNlu

— Ravi Pal (@RaviPal01) February 17, 2022

મંચ પર સમર્થકોએ રાજનાથ સિંહને પાડી દીધા

આ સમગ્ર ઘટનાક્રમનો એક વીડિયો સામે આવ્યો છે, જેમાં જોઈ શકાય છે કે, સોફા પર પડ્યા બાદ રાજનાથ સિંહ ગુસ્સે થઈ ગયા અને સમર્થકોને મંચ પરથી જવા કહ્યું હતું. તો વળી હાર પહેરવાની ના કહ્યા  બાદ તેમના સુરક્ષાકર્મીઓએ માળા સહિત સમર્થકોને નીચે ઉતાર્યા હતા. છેલ્લા કેટલાય દિવસથી રાજનાથ સિંહ પંજાબમાં છે અને ભાજપ માટે ચૂંટણી સભાઓ કરી રહ્યા છે. તેઓ મંગળવારે પહેલીવાર ફરીદકોટ આવ્યા હતા.

ભીડ એટલી થઈ કે, રાજનાથ સિંહને ઊભા રહેવાની પણ જગ્યા ન આપી

જેવા રાજનાથ સિંહ મંચ પર આવ્યા કે, સમર્થકો પણ સ્ટેજ પર ચડી ગયા હતા. આ દરમિયાન રક્ષા મંત્રીને સન્માનિત કરવા માટે મોટો ફુલહાર લાવવામાં આવ્યો હતો. મંચ પર લોકો હાર લઈને પહોંચ્યા, તો સમર્થકોની ભીડ વધવા લાગી. રાજનાથ સિંહને તેમના સમર્થકોએ ઘેરી લીધા હતા. સમર્થકો એટલા વધી ગયા કે, રાજનાથ સિંહને ઉભા રહેવાની પણ જગ્યા ન રાખી. માંડ માંડ સિંહ ટોળાની વચ્ચે ઊભા રહી શક્યા. ત્યારે અચાનક એક ધક્કો લાગ્યો અને તેઓ સોફા પર પડી ગયા હતા. જો પાછળ સોફો ન હોત તો, રાજનાથ સિંહ મંચ પરથી નીચે પડી શકત અને ગંભીર ઈજા પણ થઈ શકતી.