અંધારપટ / વાવાઝોડાના ચાર દિવસ બાદ પણ ગુજરાતના આ શહેરમાં અંધારપટ : વીજળી ગુલ થતાં લોકો પરેશાન 

• ચોથા દિવસે પણ અનેક ગામોમાં અંધારપટ
• 90 ટકા ગામોમાં હજુ પણ વીજ પૂરવઠો ખોરવાયેલો
• વીજળી વિના લોકો હેરાન-પરેશાન

તૌકતે વાવાઝોડું ગુજરાત પરથી પસાર થયા બાદ તબાહીના દ્રશ્યો જોવા મળી રહ્યા છે, વાવાઝોડે ચાર દિવસ વિતી ગયા બાદ પણ  કેટલાક જિલ્લામાં અંધારપટ જોવા મળી રહ્યા છે, વાવાઝોડને કારણે અનેક જિલ્લામાં ભારે પવન અને વરસાદ વરસ્યો હતો..જેના લીધે વૃક્ષો, વીજ પોલ, મકાનો ધરાશાયી થયા હતા..અને કેટલાક મકાનોની છત, હોડિંગ્સ પણ ઉડી ગયા હતા..હવે ધીમે ધીમે સ્થિતિ થાડે પડતી દેખાઈ રહી છે, વાવાઝોડા બાદ તબાહીના દ્રશ્યો સામે આવતા હોય છે ત્યારે વાવાઝોડાએ કેવો વિનાશ વેર્યો છે તે સામે આવ્યું હતું.

ચાર દિવસ બાદ પણ અંધારપટ

વાઝોડાને કારણે વીજ પોલને નુક્સાન થતા અમરેલી જિલ્લામાં ચાર દિવસ બાદ પણ અંધારપટ જોવા મળી રહ્યો છે, રાજુલા, જાફરાબાદ, અને સાવરકુંડલા સહિતના વિસ્તારોમાં વીજ ગુલ થઈ જતા અનેક ગામોમાં હાલકીનો સામનો કરવો પડી રહ્યો છે. હજુ પણ 90 ટકા ગામોમાં વીજ પૂરવઠો ખોરવાયેલો છે,જો કે 40 જેટલા ગામોમાં વીજ પુરવઠો કાર્યરત થયો છે, હજુ પણ વીજ પૂરવઠો કાર્યરત ન થતા લાઈટ વિના લોકો હેરાન-પરેશાન થઈ રહ્યા છે.

સુરતથી DGVCLની ટીમ સૌરાષ્ટ્ર મોકલાઈ

જો વાત કરવામાં આવે તો સુરતથી DGVCLની ટીમ સૌરાષ્ટ્ર મોકલાઈ છે, 400 જેટલા કર્મચારીઓને રોપેક્સ ફેરી દ્વારા સૌરાષ્ટ્ર મોકલવામાં આવ્યા છે, વીજ પોલ વીજ લાઈન અને ફીડર ધરાશાયી થતા વીજ વિભાગને ભારે નુક્સાન થયું છે, એકલા સૌરાષ્ટ્રમાં જ અંદાજીત 70 હજાર કરતા વધુ વીજ પોલને નુક્સાન પહોંચ્યું છે,ત્યારે વીજ વિભાગ દ્વારા વીજ પૂરવઠો ફરી કાર્યરત કરવા અને વીજ સપ્લાય કામગીરી ફરીથી સ્થાપિત કરવાના પ્રયત્નો ચાલી રહ્યા છે.

પેટ્રોલ પંપ પર લાંબી લાઈનો

વાવાઝોડને પગલે અનેક જગ્યાએ વૃક્ષો ધરાશાયી થયા છે, જેમાં ઉના પાસે ગુજરાતના દરિયા કિનારે વાવાઝોડું ટકરાયું હતું જે બાદ સ્થિતિ થોડી થાડે પડી છે ત્યારે ઉનામાં સતત ત્રણ દિવસથી પેટ્રોલ પંપ પર લાંબી લાઈનો જોવા મળી રહી છે. હાલ અનેક પેટ્રોલ પંપને નુક્સાન થતા બંધ છે, તેવામાં એક જ પંપ કાર્યરત રહેતા ત્રીજા દિવસે પણ લાંબી લાઈનો જોવા મળી રહી છે. વાવાઝોડા અને ભારે પવન અને વરસાદને કારણે રોડ રસ્તા બિસ્માર થઈ ગયા છે, પેટ્રોલ ડીઝલનો જથ્થો ન પહોંચતા અછત સર્જાઈ છે, જેના કારણે પેટ્રોલ પંપ પર પોલીસ બંદોબસ્ત ગોઠવવો પડી રહ્યો છે.