બ્રાઝિલના એક યુવાને 6000 ફૂટની ઊંચાઈએ એવો ખતરનાક સ્ટંટ કર્યો કે જોતા છાતિયા પાટિયા બેસી જવા જેવું થાય છે.
આજકાલ યુવાનોમાં સ્ટંટનો ક્રેઝ
બ્રાઝિલિયન વ્યક્તિએ 6000 ફુટની ઊંચાઈએથી કર્યો ખતરનાક સ્ટંટ
બે હોટ એર બલૂન વચ્ચે દોરડા બાંધીને ઉઘાડા પગે ચાલ્યો
આજકાલ યુવાનોમાં સ્ટંટનો ક્રેઝ ચાલી રહ્યો છે. તમે સોશિયલ મીડિયા પર આવા અનેક વીડિયો જોયા હશે, જેમાં એકથી વધુ અદ્દભૂત અજીબોગરીબ સ્ટંટ કરાતા હોય છે. ઘણી વખત લોકો પોતાનો જીવ જોખમમાં મૂકીને પોતાના સ્ટંટના ક્રેઝનું ઉદાહરણ આપતા જોવા મળે છે.
આવો જ એક વીડિયો આજકાલ સોશિયલ મીડિયા પર ઝડપથી વાયરલ થઈ રહ્યો છે, જેમાં એક બ્રાઝિલિયન વ્યક્તિ હજારો ફૂટની ઊંચાઈ પર મિડએર રોપવોક કરતો જોવા મળી રહ્યો છે. વાયરલ વીડિયો બ્રાઝિલનો હોવાનું કહેવાય છે, જેમાં રાફેલ ઝુગ્નો બ્રિડ્ડી નામનો શખ્સ 6,326 ફૂટની ઊંચાઈએ 18 મીટર કે 59 ફૂટના અંતરે બે હોટ એર બલૂન વચ્ચે બાંધેલા દોરડા પર ઉઘાડા પગે ચાલતો જોઈ શકાય છે.
ગિનિસ બૂક ઓફ વર્લ્ડ રેકોર્ડમાં નામ નોંધાવ્યું
જમીનથી 1901 મીટરની ઉંચાઈ પર ચાલીને રાફેલ ઝુગ્નો બ્રિડ્ડીએ વિશ્વ રેકોર્ડ બનાવીને ગિનિસ વર્લ્ડ રેકોર્ડ (જીડબ્લ્યુઆર)માં પોતાનું નામ નોંધાવી દીધું છે. જણાવવામાં આવી રહ્યું છે કે રાફેલ ઝુગ્નો બ્રિદ્દીએ જે સ્ટંટ પૂરો કર્યો છે તે દુનિયાની સૌથી ઉંચી ઇમારત બુર્જ ખલીફાથી બે ગણી છે. વાયરલ થઇ રહેલા આ વીડિયો પર સોશિયલ મીડિયા યુઝર્સ ઘણા રિએક્શન આપી રહ્યા છે. આ વીડિયોને અત્યાર સુધીમાં લગભગ 9 મિલિયન વ્યૂઝ મળી ચૂક્યા છે.