હેલ્થ / આડેધડ પ્રોટીન લેનારા સાવધાન ! જોજો ક્યાંક પાછુ વજન વધી ન જાય, જેટલા ફાયદા એટલા જ નુકસાન  

• પ્રોટીન સપ્રમાણસર ખાવુ જોઇએ
• ડાયટ ફોલો કરવામાં પણ ધ્યાન રાખવુ
• ઓવરમાત્રામાં પ્રોટીન નુકસાનકારક 

લોકો વજન ઓછુ કરવા માટે શું નથી કરતા, સ્લિમ અને ફીટ દેખાવા માટે લોકો ઘણા પ્રકારના ડાયટ ફોલો કરીને વજન ઓછું કરે છે.  કોઇ ભૂખ્યા રહે છે તો જીમ જઇને કલાકોના કલાકો સુધી એક્સરસાઇઝ કરે છે.  પરંતુ તેની સાથે તે પ્રોટીન પણ વધારે માત્રામાં લે છે.  કદાચ તમે જાણતા હશો કે  પ્રોટીન ખાવાથી લાંબા સમય સુધી ભૂખ નથી લાગતી અને આ પોષક તત્વો શરીરના કોષોને રિપેર કરવામાં મદદ કરે છે. આ સાથે તે ત્વચા અને વાળ માટે પણ ખૂબ જ ફાયદાકારક છે. પ્રોટીન શરીર માટે ખૂબ જ સારું મેક્રોન્યુટ્રિઅન્ટ છે. પરંતુ કોઈપણ વસ્તુનો વધુ પડતો ડોઝ કે વધુ પડતો સેવન હંમેશા નુકસાનકારક સાબિત થાય છે. ક્યારેક તેનો વધુ પડતો ઉપયોગ તમારા સ્વાસ્થ્યને ઘણા નુકસાન પહોંચાડી શકે છે, જેને પ્રોટીન પોઈઝનિંગ કહેવામાં આવે છે. ચાલો તેના વિશે જાણીએ.

વધારે પ્રોટીન ખાવાથી નુકસાન

1. વજન વધવાની સમસ્યા

આજકાલ ઘણા લોકો વજન વધવાથી પરેશાન છે અને તેને ઘટાડવા માટે વધુ પ્રોટીન લે છે, પરંતુ આમ કરવાથી વજન ઘટવાને બદલે વધી શકે છે. શરીરનો પ્રોપર શેપ બનતો નથી. આથી આ બાબતનું ખાસ ધ્યાન રાખવુ જરૂરી છે. 

2. ડિહાઇડ્રેશનની સમસ્યા

તમને જણાવી દઈએ કે રોજિંદા આહારમાં વધુ પડતા પ્રોટીનનું સેવન કરવાથી ડિહાઈડ્રેશન થઈ શકે છે. પ્રોટીનને પચાવવા માટે શરીરને પુષ્કળ પાણીની જરૂર પડે છે. તે પેશાબના રૂપમાં શરીરમાંથી બહાર આવે છે, જ્યારે તેની સાથે પાણી પણ મોટી માત્રામાં બહાર આવે છે. જેના કારણે શરીરમાં પાણીની ઉણપ થઈ શકે છે.

3. ડિપ્રેશન એક સમસ્યા હોઈ શકે છે

તમને જણાવી દઈએ કે ખોરાકમાં વધુ પડતું પ્રોટીન લેવાથી અને કાર્બોહાઈડ્રેટ ઓછું ખાવાથી તમને ડિપ્રેશન, ચિંતા, ટેન્શન અને નકારાત્મક લાગણીઓ જેવી સમસ્યાઓ થઈ શકે છે. તે તમારા શરીરમાં સ્ટ્રેસ હોર્મોન્સ વધારીને ડિપ્રેશનનું કારણ બની શકે છે.