શોકજનક ઘટના / દાદરાનગર હવેલીના સાંસદ મોહન ડેલકરે મુંબઈની હોટલમાં પંખા સાથે લટકીને આપઘાત કરતા ચકચાર

• દાદરાનગર હવેલીના સાસંદ મોહન ડેલકરનું મોત 
• મુંબઇની હોટલમાં મોહન ડેલકર મૃત હાલતમાં મળી આવ્યા
• મોહન ડેલકર સાત ટર્મથી દાદરાનગર હવેલીના સાંસદ હતા

દાદરાનગર હવેલીના સાંસદ મોહન ડેલકરે આપઘાત કર્યો છે. મુંબઈની એક હોટલમાંથી તેમનો મૃતદેહ મળ્યો છે. મુંબઈ પોલીસના એક સિનિયર અધિકારીએ જણાવ્યું કે ડેલકરે પંખા સાથે લટકીને આપઘાત કર્યો હતો. ડેલકરના મૃતદેહ સાથે સુસાઇડ નોટ પણ મળી આવી છે. ડેલકર ગત રાતે હોટલમાં આવ્યાં હતા. તેમનો ડ્રાઈવર પણ બાજુની રૂમમાં ઉતર્યો હતો. ડ્રાઈવરે બપોરના 2.00ની આસપાસ ડેલકરની રુમ ખોલવાનો ઘણો પ્રયા કર્યો હતો પરંતુ કંઈ જવાબ ન મળતાં તેમણે હોટલના એક કર્મચારીને જાણ કરી હતી. ત્યાર બાદ ડ્રાઈવર અને હોટલ કર્મચારી  બીજી બાજુએથી રુમમાં દાખલ થયા હતા અને તેમણે પંખા સાથે લટકતી ડેલકરની લાશ જોઈ હતી. ત્યાર બાદ આઘાતમાં આવેલા હોટલના સ્ટાફ દ્વારા પોલીસને જાણ કરવામાં આવી હતી. 

પોલીસ અધિકારીએ કહ્યું કે સૂચના મળતા પોલીસ હોટલમાં ધસી ગઈ હતી અને ડેલકરની લાશને પોસ્ટમોર્ટમ માટ ેમોકલી આપી હતી. મોહન ડેલકર સાત ટર્મથી દાદરાનગર હવેલીના સાંસદ હતા. મહત્વનું છે કે, મોહન ડેલકર સામે CBI તપાસનો ખતરો તોળાઈ રહ્યો હતો. મોહન ડેલકરના સાથીઓ પર ACBની તપાસ ચાલી રહી હતી.

Dadra and Nagar Haveli MP Mohan Delkar allegedly died by suicide at a hotel in South Mumbai. His body has been sent for postmortem. Further investigation is underway. More details awaited. pic.twitter.com/JRuMFTDUoe

— ANI (@ANI) February 22, 2021

 મોહન ડેલકરની રાજકીય સફર

• 1989માં દાદરા નગર હવેલીથી અપક્ષ સાંસદ તરીકે ચૂંટાયા
• 1991 અને 1996માં કોંગ્રેસમાંથી સાંસદ તરીકે ચૂંટાયા
• 1998માં ભાજપમાંથી દાદરા નગર હવેલીના સાંસદ બન્યા
• 1999 અને 2004માં અપક્ષ તરીકે ચૂંટાઈને લોકસભા પહોંચ્યા
• 2009માં મોહન ડેલકર ફરી કોંગ્રેસમાં જોડાઈ ગયા
• 2019માં અપક્ષમાંથી ફરી સાંસદ તરીકે ચૂંટાયા
• મોહન ડેલકર ભાજપ-કોંગ્રેસમાંથી ચૂંટાઈને સાંસદ બન્યા છે
• અપક્ષમાં પણ સતત ચૂંટાતા રહેલા નેતા છે