તૌકતે વાવાઝોડાની અસર અમદાવાદ જેવા મોટા શહેરોમાં પણ જોવા મળી છે, એક જ ઝાટકે મોટું નુકસાન થયું છે, લોકોની કાર અને ઘરમાં નુકસાન સામે આવ્યું છે
તૌકતે વાવાઝોડાના કારણે ગુજરાતમાં મોટું નુકસાન
ગુજરાતના ઠેર-ઠેર વિસ્તારમાંથી સામે આવ્યા તબાહીના દૃશ્યો
અમદાવાદ સહિત મોટા શહેરોમાં પણ નુકસાન
ગુજરાતના દરિયાકાંઠા સહિત તૌકતે વાવાઝોડાની અસર અમદાવાદ જેવા મોટા શહેરોમાં પણ જોવા મળી છે. એક જ ઝાટકે મોટું નુકસાન થયું છે. લોકોની કાર અને ઘરમાં નુકસાન સામે આવ્યું છે. જુઓ સમગ્ર ગુજરાતમાં તૌકતેના કારણે કેવા-કેવા દૃશ્યો સામે આવ્યા છે.
વડોદરાની ગોત્રી હોસ્પિટલમાં કાચ તૂટવાના વીડિયો સામે આવ્યા છે. હોસ્પિટલના ટોપ ફ્લોર પર ભારે પવનથી કાચ તૂટ્યા છે. કાચ તૂટતાં એક નર્સ ઇજાગ્રસ્ત થઇ છે. હોસ્પિટલમાં દાખલ કોરોના દર્દીઓ પર પણ કાચ પડ્યા હતાં. બેડ પર કાચ પડતા નર્સિંગ સ્ટાફે દર્દીઓને ખસેડ્યા હતાં. આ વીડિયો હોસ્પિટલ સ્ટાફે જ બનાવ્યા હતાં. ભારે પવનના કારણે ગોત્રી હોસ્પટલમાં અફરાતફરીનો માહોલ સર્જાયો હતો.
ભાવનગરમાં પણ તૌકતે વાવાઝોડાના કારણે દરિયામાં પાણીનું સ્તર વધી ગયું હતું. મોજા પણ સામાન્ય દિવસ કરતા વધારે ઊંચા ઉછળી રહ્યા છે. તંત્ર દ્વારા પહેલા જ આવા વિસ્તારમાં એન્ટ્રી પ્રતિબંધ કરી દેવાઈ હતી.
તૌકતે વાવાઝોડાની અસર ભાવનગરમાં જોવા મળી. ભાવનગરમાં ભારે પવન સાથે વરસાદી માહોલ સર્જાયો. ભારે પવનના કારણે શહેરમાં અનેક વૃક્ષ ધરાશાયી થયા હતા. તેમજ હોર્ડિગ અને અનેક દુકાનોના પતરા ઉડ્યા હતા. તો ચોગઠા ગામમાં વરસાદે તબાહી મચાવી હતી. ભારે પવન સાથે વરસાદના કારણે અનેક ઘરોને પણ ભારે નુકસાન થયું હતું.
બોટાદમાં તૌકતે વાવાઝોડાની અસર વર્તાઇ. બોટાદમાં ભારે પવન સાથે વરસાદી માહોલ સર્જાયો. તો ભારે પવનથી કોટ બિલ્ડીંગથી નુકસાન પહોંચ્યું છે અને ડોમ ઉતરના પતરા હવામાં ઉડ્યા હતા.
તૌકતે વાવાઝોડાની અસરને પગલે બનાસકાંઠા જિલ્લામાં તમામ બસ રૂટો આજે બપોરથી કરાયા બંધ, જિલ્લાના 14 તાલુકામાં 176 સિડ્યુલ અને 650થી પણ વધુ રૂટની બસો સ્થગિત
ગુજરાતમાં 2014 પછી આવેલા વાવાઝોડાની યાદી
13 જૂન 2014 -નનૌક -સૌરાષ્ટ્ર-ગુજરાત
29 ઓકટોબર 2014 — નિલોફર — કચ્છ-સૌરાષ્ટ્ર
10 જૂન 2015 — અશોબા — સૌરાષ્ટ્ર-ગુજરાત
31 ઓકટોબર 2015 — ચપાલા — સૌરાષ્ટ્ર
04 ડિસેમ્બર 2017 — ઓખી — ગુજરાત
17 મે 2018 — સાગર — સૌરાષ્ટ્ર
13 જૂન 2019 — વાયું — કચ્છ-સૌરાષ્ટ્ર
29-30 ઓકટોબર 2019 — ક્યાર — ગુજરાત
17-18 મે 2021 — તાઉતે — સૌરાષ્ટ્ર
ગુજરાતના અનેક શહેરોની સાથે અમદાવાદમાં પણવાવાઝોડાની અસરના કારણે ઝાડવાઓ પડ્યા હતા. અને સાથે કોરોના ટેસ્ટિંગ ડોમ અને અન્ય સ્ટોલ પણ ધરાશાયી થયા હતા. તો શહેરમાં અનેક જગ્યાએ ઝાડવાઓ પણ પડ્યા હતા.