BIG NEWS / જેની દેશમાં સૌથી વધુ ચર્ચા તે બિલ અત્યારે નહીં લાવે મોદી સરકાર? હજારો કરોડ રૂપિયાનો છે મામલો

• દેશના સૌથી ચર્ચિત મુદ્દા પર મોદી સરકાર હજુ થોભો અને રાહ જોવાના મૂડમાં 
• શિયાળુ સત્રમાં નહીં આવે ક્રિપ્ટોકરન્સી બિલ: સૂત્રો 
• પીએમ મોદી અને નાણામંત્રી અનેક વાર ચૂક્યા છે બેઠક 

આ સત્રમાં નહીં આવે ક્રિપ્ટોકરન્સી બિલ: સૂત્રો 
સંસદનાં શિયાળુ સત્રમાં ક્રિપ્ટોકરન્સીનાં બિલને લઈને ખૂબ રાહ જોવા રહી છે, સમાચાર હતા કે આ જ સત્રમાં સરકાર નવું બિલ લઈને આવશે જે બાદથી રોકાણકારો બેચેન થઈ ગયા છે કે સરકાર આ કરન્સી બંધ કરી દેશે કે પછી શું કરશે? જોકે હજુ સુધી આ બિલ આવ્યું નથી અને હવે તો સૂત્રો દ્વારા માહિતી મળી રહી છે કે સરકાર આ સત્રમાં બિલ લાવશે જ નહીં. 

ઉતાવળમાં નથી સરકાર 
દિલ્હીના મીડિયા અહેવાલો અનુસાર આ સત્રમાં ક્રિપ્ટોકરન્સી બિલ આવવાની સંભાવના નથી. આ મુદ્દા પર સરકારને હજુ પણ થોડી ઘણી ચર્ચાઓ કરવી છે અને પીએમ મોદી અને નાણાં મંત્રી બંનેએ અનેક વાર આ મુદ્દે ચર્ચા કરી ચૂક્યા છે. પીએમ મોદીએ બે વાર પોતાના સંબોધનમાં પણ કરન્સી વિશે ઉલ્લેખ કર્યો હતો. એવામાં સરકાર હવે આ મુદ્દે ઉતાવળમાં હોય તેવું લાગી રહ્યું નથી. જોકે ખાસ વાત છે કે આ પહેલા મોન્સૂન સત્રમાં પણ આવી જ ચર્ચા હતી કે સરકાર બિલ લાવી રહી છે. 

મોદી સરકારના એજન્ડામાં હાલ નથી બિલ 
નોંધનીય છેકે પીએમ મોદીએ હાલમાં જ અધિકારીઓની તાબડતોબ બેઠક બોલાવી અને આ મુદ્દે ચર્ચા કરી હતી. સાથે જ તાત્કાલિક કામ કરવા માટે પણ સૂચવ્યું હતું. રિઝર્વ બૅન્કે નિવેદન આપ્યું છે કે ક્રિપ્ટોકરન્સી એક મોટો ખતરો છે. એવામાં 23 ડિસેમ્બરે શિયાળુ સત્ર તો સમાપ્ત તહી રહ્યું છે પણ મોદી સરકારના એજન્ડામાં આ બિલનું ક્યાંય નામ સુદ્ધાં નથી. સૂત્રો દ્વારા મળતી માહિતી મુજબ સરકાર હજુ આ બિલમાં અંતિમ સ્વરૂપ આપવા માટે મથામણ કરી રહી છે.