BIG NEWS / મહારાષ્ટ્ર:શિવસેનાના 15 બળવાખોર ધારાસભ્યોને કેન્દ્રએ આપી Y પ્લસ સુરક્ષા, ઘર અને ઓફિસે CRPF તૈનાત રહેશે

• મહારાષ્ટ્રમાં રાજકારણમાં ખળભળાટ
• શિવસેનાના બળવાખોર ધારાસભ્યોને મળી સિક્યોરિટી
• કેન્દ્ર સરકારે આપી વાય પ્લસ સિક્યોરિટી

મહારાષ્ટ્રમાં એકનાથ શિંદેની સાથે ગયેલા શિવસેનાના 15 બળવાખોર ધારાસભ્યોને કેન્દ્ર સરકારે Y પ્લસ સુરક્ષા આપી છે. હવે તેમને સીઆરપીએફની સુરક્ષા આપવામાં આવી છે. આ ધારાસભ્યોના ઘર પર પણ CRPF તૈનાત કરી દેવામાં આવ્યા છે. ધારાસભ્યોના ઘર અને ઓફિસો પર શિવસૈનિકોના હુમલા બાદ આ નિર્ણય લેવામાં આવ્યો છે. 

Central government has provided 'Y+' category armed Central Reserve Police Force (CRPF) security cover to 15 rebel Shiv Sena MLAs: Sources

— ANI (@ANI) June 26, 2022

આ બાજૂ અયોગ્યતાની નોટિસ મેળવી ચુકેલા 16 ધારાસભ્યોએ સુપ્રીમ કોર્ટમાં જવાનો નિર્ણય લીધો છે. બળવાખોર ધારાસભ્યો કોર્ટમાં શિવસેનાના ધારાસભ્ય દળના નેતાના નિર્ણયને પડકાર આપશે.

બળવાખોર વિરુદ્ધ મુંબઈમાં તેજ થયું શિવસૈનિકોનું આંદોલન

શિવસેના કાર્યકર્તાઓએ મુંબઈમાં સામના કાર્યાલયની બહાર શિવસેનાના બળવાખોર ધારાસભ્યોના વિરોધમાં બાઈક રેલી કરી હતી, તો વળી એકનાથ શિંદે જૂથના સમર્થકોએ થાણેમાં ઉદ્ધવ ઠાકરેના સમર્થનમાં આવેલા પોસ્ટરો પર પેંટ લગાવી દીધું હતું.