સલામત ગુજરાતમાં શરમજનક કિસ્સો સામે આવ્યો છે તહેવારોના તાકડામાં જ એક યુવતીની છેડતીનો મામલો સામે આવ્યો છે.
અમદાવાદ યુવતીની જાહેરમાં છેડતી
સ્થાનિકોએ આરોપી યુવકને ઝડપી લીધો
આરોપી નશામાં હોવાની શંકાએ કાર્યવાહી
અમદાવાદ શહેરમાં નવા વર્ષની શરૂઆત અનેક ગંભીર ઘટનાઓથી થઈ રહી છે ત્યારે વધુ એક બનાવ સેટેલાઇટ વિસ્તારમાં બન્યાનું સામે આવ્યું.યુવતીની જાહેરમાં છેડતી કરનાર શખ્સને પબ્લિકે પકડી તાત્કાલિક પોલીસ હવાલે પણ કરાયો છે.
સ્થાનિકો એ આરોપી યુવકને ઝડપી પોલીસ હવાલે કર્યો
ભાઈબીજના તહેવારના દિવસે અમદાવાદ શહેરના પોશ સેટેલાઈટ વિસ્તારના રેવતી ટાવર નજીક સાંઈબાબા મંદિર નજીક રાત્રીના સમયે જાહેરમાં બન્યો. ફરિયાદ અંગેની પ્રાથમિક હકીકતની વાત કરીએ તો નાગાલેન્ડની 25 વર્ષીય યુવતી નોકરી નો સમય પતાવી ઘરે જતી હતી તે દરમ્યાન એક અજાણ્યા યુવકે યુવતીના સાથળ પર જાહેરમાં હાથ ફેરવી છેડતી કરી હતી.યુવતીએ રોડ રોમિયોને પકડવા કરેલો પ્રયાસ સફળ ના થતાં બૂમો પાડતા સ્થાનિકો એ આરોપી યુવકને ઝડપી પોલીસ હવાલે કર્યો.
વધુ પૂછપરછ શરૂ કરવામાં આવી
છેડતીનો ભોગ બનનાર યુવતી બોડકદેવમાં થાઈ સ્પા મસાજની સર્વિસ આપતા સલૂનમાં નોકરી કરતી હોવાનું સામે આવ્યું છે..હાલ સેટેલાઇટ પોલીસે યુવતીની ફરિયાદના આધારે આરોપી વિરુદ્ધ ગુનો નોંધી તપાસ કરતા છેડતી કરનાર શખ્સ વિઠ્ઠલ રાઠોડ રામદેવનગર સેટેલાઈટ વિસ્તારમાં જ રહેતો હોવાનું ખુલ્યું હતું. સેટેલાઈટ પોલીસે આરોપી વિઠ્ઠલની ધરપકડ કરી છે.. આરોપી નશામાં હાલતમાં હોવાની શકા ને લઈને વધુ પૂછપરછ શરૂ કરવામાં આવી.