મુશ્કેલી / કોવિડની રસી તો આવી જશે પણ આ એક મોટી સમસ્યા ઉભી રહેશે: નિષ્ણાતોનો દાવો

દુનિયામાં કોરોના વાયરસના અત્યાર સુધીમાં ૨,૫૩,૭૭,૭૧૧ કેસ સામે આવ્યા છે, તેમાં ૧,૭૭,૯૭૭ દર્દી સાજા થઇ ચૂક્યા છે. જ્યારે ૮,૫૦,૧૪૯ લોકોનાં મોત થયાં છે. હજુ ૬૮,૨૬,૫૮૫ દર્દીઓ એવા છે, જેમનો ઇલાજ ચાલી રહ્યો છે. 

જો કોરોનાની વેક્સિન બને છે તો માત્ર એક ડોઝથી કામ નહીં ચાલે

અમેરિકાના નિષ્ણાતોનું કહેવું છે કે જો કોરોનાની વેક્સિન બને છે તો માત્ર એક ડોઝથી કામ નહીં ચાલે. લોકોને બે ડોઝની જરૂર પડશે, આ સૌથી મોટી સમસ્યા છે. હાલના સમયમાં જ ટેસ્ટિંગ કિટ, PPE કિટ અને બીજી વસ્તુઓની કમી છે. આવા સંજોગોમાં બે વખત વેક્સિનેશનનો પ્રોગ્રામ ચલાવવો મુશ્કેલ કામ છે. 

આ માનવ ઇતિહાસનો સૌથી કઠિન વેક્સિનેશન પ્રોગ્રામ હશે 

ટેનેસીની વેન્ડરબિલ્ટ યુનિવ‌િર્સટીનાં હેલ્થ પ્રોફેસર ડો. કેલી મુરે કહ્યું કે આ માનવ ઇતિહાસનો સૌથી કઠિન વેક્સિનેશન પ્રોગ્રામ હશે. અમેરિકામાં વેક્સિનને માર્કેટ સુધી લાવવા માટે ઓપરેશન વાર્પ સ્પીડ ચાલી રહ્યું છે. તે હેઠળ છ ફાર્માસ્યુ‌ટિકલ કંપનીને રૂપિયા અપાયા છે, તેમાંથી બે કંપની મોડર્ના અને ફાઇઝરની વેક્સિન ફેઝ-૩ના ટ્રાયલ પર છે. બંને કંપની ૩૦,૦૦૦ વોલન્ટિયર્સને વેક્સિના ડોઝ આપી રહી છે. મોડર્ના ૨૮ દિવસ બાદ તો ફાઇઝર ૨૧ દિવસ બાદ બીજો ડોઝ આપશે. 

અમેરિકામાં ડેમોક્રેટિક પાર્ટીથી ઉપરાષ્ટ્રપતિપદના ઉમેદવાર જો બીડેને કહ્યું કે જો હું ચૂંટણી જીતીશ તો કોવિડ-૧૯ જેવી મહામારી પહેલાંથી ઓળખી શકાય તે માટે એક વાર ફરી પ્રેડિક્ટ પ્રોગ્રામ લોન્ચ કરશે. આ પ્રોગ્રામ પહેલી વાર ૨૦૦૫માં H1N1 ફ્લૂના વાઇરસ સમયે લોન્ચ કરાયો હતો, તેમાં જિને‌ટિક બીમારીઓ અને વાયરસ ફેલાવવા અંગે રિસર્ચ કરવામાં આવે છે. ૨૦૧૯માં તે પ્રોગ્રામ બંધ કરી દેવાયો હતો.  ઇઝરાયલમાં સરકારથી નારાજ ૪૦૦ લેબ્સના ૨૦૦૦ કર્મચારી હડતાળ પર છે.