કોરોનાવાયરસનો પ્રકોપ વધતો જોવા મળી રહ્યો છે. દુનિયામાં કેટલાંક એવા દેશો છે જ્યાં ફરી લોકડાઉન લગાવામાં આવ્યું છે. મંગળવારે દિલ્હીમાં રેકોર્ડ વધારા સાથે 6,725 કેસ સામે આવ્યાં હતા, ત્યાર બાદ દિલ્હીમાં કોરોનાની ત્રીજી લહેરની આશંકા વધુ મજબૂત થઇ ગઇ છે. લોકો માની રહ્યાં હતા કે વર્ષના અંત સુધીમાં કોરોના વેક્સીન તૈયાર થઇ જશે. પરંતુ અત્યાર સુધીમાં વેક્સીન આવી નથી. જેને લઇને ટીમ ઇન્ડિયાના સ્પિન બોલર હરભજન સિંહ ગુસ્સામાં જોવા મળ્યાં. હરભજન સિંહે ઇન્સ્ટાગ્રામ સ્ટોરીમાં પોતાનું રિએકશન આપ્યું છે.
હરભજન સિંહે ઇન્સ્ટાગ્રામ સ્ટોરીમાં લખ્યું, 'કોરોનાની વેક્સીન જ બની શકી નથી બસ... બાકી કોરોનાથી 99.9 ટકા લડનારા પેંટ, ડિસ્ટેમ્પર, ફલોર ક્લીનર, ટોયલેટ ક્લીનર, સોયાબીનનું તેલ, મેંદો, બેસન, અટરમ, સટરમ બધુ બજારમાં આવી ગયું છે.'
હવે Covid-19 થી દરરોજ ઠીક થનારા દર્દીઓની સંખ્યા નવા સંક્રમિતની સંખ્યાથી વધારે છે. દેશમાં કોરોનાનો આંકડો 83 લાખ ઉપર થઇ ગયો છે. આરોગ્ય મંત્રાલય દ્વારા ગુરુવાર સવારે જારી કરાયેલા આંકડા અનુસાર, દેશમાં કોરોનાના દર્દીઓની સંખ્યા 83,64,085 થઇ ગઇ છે. છેલ્લા 24 કલાકમાં કોરોનાના 50,210 નવા કેસ સામે આવ્યાં છે. છેલ્લા 24 કલાકમાં 55,331 દર્દી ઠીક થયા છે.
આ દરમિયાન 704 કોરોના સંક્રમિતોની મોત થઇ છે. અત્યાર સુધીમાં કુલ 77,11,809 દર્દીઓ ઠીક થઇ ગયા છે. 1,24,315 લોકોના જીવ ગયા છે. કોરોનાના હાલમાં કેસોની સંખ્યા 5.5 લાખથી નીચે છે. આ સંખ્યા 2 ઓગસ્ટ પછી પહેલી વખત આટલી નીચે જોવા મળી છે.
આ સમયે દેશમાં 5,27,962 એક્ટિવ કેસ છે. રિકવરી રેટની વાત કરીએ આ મામૂલી વધારા પછી 92.02 ટકા પર પહોંચી ગયો છે. પોઝિટિવિટી રેટ 4.15 ટકા છે. ડેથ રેટ 1.48 ટકા છે. 4 નવેમ્બરના રોજ 12,09,425 કોરોના સેંપલ ટેસ્ટ કરાવામાં આવ્યાં. અત્યાર સુધીમાં કુલ 11,42,08,384 સેંપલ થઇ ગયા છે.