કેન્દ્ર સરકારે દેશના 145 જિલ્લાઓની ઓળખ કરી છે કે જ્યાં ગત ત્રણ સપ્તાહમાં કોરોના વાયરસના કેસની પુષ્ટી થઇ છે. સરકારે ચેતવણી આપી છે કે જો પ્રભાવશાળી રીતે ઉપાય ન કરવામાં આવે તો આ કોરોના મહામારીના હૉટસ્પોટ રૂપે ઉભરી શકે છે. જે જિલ્લાઓની ઓળખ કરવામાં આવી છે તેમાંથી મોટભાગના ગ્રામીણ ક્ષેત્રોમાં છે.
પૂર્વી ભારતમાં કોરોના વાયરસના હૉટસ્પોટ ઉભરવાની સંભાવના છે
કેબિનેટ સચિવે કહ્યું 12 રાજ્યમાં 25 મે સુધી ત્રણ સપ્તાહની અંદર ઝડપથી સંક્રમણ ફેલાયું
ગત ગુરુવારે રાજ્યોની સમક્ષ એક પ્રેઝન્ટેશનમાં કેબિનેટ સચિવ રાજીવ ગૌબાએ કહ્યું કે પૂર્વી ભારતમાં કોરોના વાયરસના હૉટસ્પોટ ઉભરવાની સંભાવના છે. જે સૌથી પ્રભાવિત રાજ્યોથી પ્રવાસી મજૂરોની વાપસીની સાથે શરૂ થશે.
કેબિનેટ સચિવે કહ્યું કે 12 રાજ્યમાં 25 મે સુધી ત્રણ સપ્તાહની અંદર ઝડપથી સંક્રમણ ફેલાયું. તેમાંથી બિહાર, પશ્ચિમ બંગાળ, અને ઓરિસ્સા સામેલ છે. જ્યાં પૂર્વમાં કોરોના સંક્રમણના દર્દીઓની સંખ્યા વધારે નહોતી. આવા જ અન્ય રાજ્યો જેમકે ત્રિપુરા અને મણિપુરમાં પણ સિંગલ ડિજિટની તુલનામાં સંક્રમણના કેસની સંખ્યા ઝડપથી વધી છે.
સ્વાસ્થ્ય મંત્રાલયે કહ્યું કે મહારાષ્ટ્ર, તમિલનાડુ, ગુજરાત, દિલ્હી, રાજસ્થાન, મધ્ય પ્રદેશ અને આંધ્ર પ્રદેશ જેવા મોટા રાજ્યોમાં ગુરુવાર સુધીમાં ભારતમાં નોંધાયેલા કુલ કેસના 1,65,000 કેસ હતા. ગત બે સપ્તાહમાં વધારો નોંધાયો છે. મંત્રાલયે કહ્યું કે આ વધારામાં મોટા રાજ્યોનું ખાસ યોગદાન રહ્યું. બિહાર, ઝારખંડ, ઉત્તર પ્રદેશ અને ઓરિસ્સા જેવા રાજ્યોમાં પણ કોરોના વાયરસના કેસમાં વધારો જોવા મળ્યો છે.
નામ ન આપવાની શરત પર એક અધિકારીએ કહ્યું કે મુખ્યત્વે મહારાષ્ટ્ર, ગુજરાત, કર્ણાટક અને આંધ્ર પ્રદેશ જેવા કોરોના વાયરસ હૉટસ્પોટ રાજ્યોથી પ્રવાસી શ્રમિકોને કારણે પૂર્વી ભારતમાં કેસની સંખ્યા વધી છે. અધિકારીએ કહ્યું કે પ્રવાસી શ્રમિકોની સંખ્યા વધારે હોવાને કારણે રેલવે અને બસ સ્ટેશનો પર શ્રમિકોનું યોગ્ય સ્ક્રિનિંગ નહોતું થયું. તેથી ઘણા લોકોથી સંક્રમણ એક રાજ્યથી બીજા રાજ્યમાં પહોંચી ગયું.
તેવામાં મંત્રાલયે એવા 145 જિલ્લાઓની ઓળખ કરી છે, જ્યાં રાજ્ય સરકારોએ સક્રિય રહેવાની જરૂર છે. પ્રેઝેન્ટેશન મુજબ આ જિલ્લાઓમાં કુલ 2147 એક્ટિવ કેસ છે. જે ભારતના કુલ કેસની સંખ્યાના 2.5 ટકા છે. તેમાંથી 26 જિલ્લાઓમાંથી 20થી વધારે એક્ટિવ કેસ છે. 145 જિલ્લાઓમાંથી અડધા જિલ્લાઓ આસામ, છત્તીસગઢ, ઝારખંડ, ઉત્તર પ્રદેશ, ઓરિસ્સા અને મધ્ય પ્રદેશમાં છે.