કોરોના સંકટ / ગુજરાતના આ જિલ્લામાં કોરોનાએ વર્તાવ્યો કાળોકેર, 19 કેસ પોઝિટિવ આવતા તંત્ર થયું દોડતું

• અરવલ્લી જિલ્લામાં કોરોનાના વધુ 19 કેસ નોંધાયા
• કોરોનાના 19 પોઝિટિવ કેસ નોંધાતા તંત્ર થયું દોડતું
• મોડાસા, ટિંટિસર, તરકવાળા, ટીંટોઈમાં પોઝિટિવ કેસ નોંધાયા

રાજ્યભરમાં કોરોનાનો કાળો કેર વર્તાય રહ્યો છે. ત્યારે રાજ્યના મહાનગરથી સિમાડાના જિલ્લા સુધી કોરોના પહોંચ્યો છે. રાજ્યના અરવલ્લી જિલ્લામાં એક સાથે 19 કોરોના પોઝિટિવ કેસ આવતાં તંત્ર દોડતું થઇ ગયું છે. 
 

અરવલ્લી જિલ્લામાં કોરોનાના 19 પોઝિટિવ કેસ સામે આવતાં તંત્રમાં હડકંપ મચી ગયેલો જોવા મળ્યો છે. અરવલ્લીના મોડાસા, ટિટિસર, તરકવાળા, ટીંટોઇમાં પોઝિટિવ કેસ નોંધાયા છે. આ સાથે અરવલ્લી જિલ્લામાં કોરોનાના કુલ 66 કેસ નોંધાયા છે. 

ઉલ્લેખનીય છે ગઇકાલે અરવલ્લી જિલ્લામાં આરોગ્ય વિભાગનું મેગા સર્વેલન્સ જોવા મળ્યું હતું. આરોગ્યની 133 ટીમો દ્વારા 49,895 લોકોનો સર્વે કરાયો હતો. અરવલ્લીમાં ગઇકાલે છેલ્લા 24 કલાક સુધીમાં 25 કોરોના કેસ સામે આવતાં તંત્ર એલર્ટ જોવા મળ્યું હતું. જેને લઇને આરોગ્ય વિભાગ દ્વારા કંટેઇન્ટમેન્ટ ઝોન વિસ્તારમાં મોટી સંખ્યામાં સર્વે કરવામાં આવ્યો હતો.