કોરોના કહેર / લોકડાઉન વચ્ચે રાજકોટમાં માર્કેટિંગ યાર્ડ શરૂ કરવાને લઇને ચેરમેન અને કલેકટર આમને-સામને

• રાજકોટમાં માર્કેટિંગ યાર્ડ શરૂ કરવાને લઈને વિવાદ
• રાજકોટ માર્કેટ યાર્ડ શરૂ કરવાને લઈને કલેક્ટરનું નિવેદન
• બુધવારથી રાજકોટ માર્કેટિંગ યાર્ડ શકૂ કરાશે

ઉલ્લેખનીય છે કે અગાઉ માર્કેટિંગ યાર્ડ શરૂ કરવાને લઈને સરકાર દ્વારા સંચાલકો પાસેથી સૂચન મંગાવવામાં આવ્યા હતા. જેને લઇને ચેરમેને માર્કેટિંગ યાર્ડ શરૂ ન કરવાનું સુચન આપ્યું હતું. જો કે આજરોજ કલેકટર દ્વારા આવતી કાલથી શરૂ કરવાના નિવેદનને લઇને માર્કેટિંગ યાર્ડ શરૂ કરવાને લઇને વિવાદ વકરતો જોવા મળ્યો છે. 

રાજકોટ માર્કેટ યાર્ડ શરૂ કરવાને લઈને કલેક્ટરનું નિવેદન

ઉલ્લેખનીય છે કે રાજકોટમાં માર્કેટિંગ યાર્ડ શરૂ કરવાના મામલે કલેક્ટરે નિવેદન આપ્યું છે કે, બુધવારથી રાજકોટ માર્કેટિંગ યાર્ડ શરૂ કરાશે. માર્કેટ યાર્ડના કમિશન એજન્ટ અને વેપારીઓને પાસ આપવામાં આવશે. કમિશન એજન્ટો અને વેપારીઓ ખેડૂતો પાસે જઈને ખરીદી કરી શકે છે. વેપારીઓ ગામડે-ગામડે જઈને ખરીદી કરી શકે છે.

APL-1 કાર્ડ ધારકોને અનાજ આપવાના મામલે કલેક્ટરનું વિતરણ

રાજકોટના કલેકટરે  APL-1 કાર્ડ ધારકોને અનાજ આપવાના મામલે નિવેદન આપ્યું કે, આજથી 17 તારીખ સુધી રેશનનું વિતરણ કરવામાં આવશે. સોશિયલ ડિસ્ટન્સનું પાલન કરીને રેશનનું વિતરણ કરાશે. સરકારના નિયમ મુજબ જ રેશનનું વિતરણ કરાશે.

રાજકોટમાં  માસ્ક ફરજીયાત કરવાના મામલે કલેક્ટરનું નિવેદન

રાજકોટ શહેરમાં માસ્કને લઈને કલેકટરે પ્રતિક્રિયા આપી છે કે, રાજ્યમાં કોરોનોનો કહેર યથાવત્ છે. માસ્ક પહેરવાથી ચેપ લાગવાનો ખતરો ઓછો છે. હાલમાં જિલ્લામાં માસ્ક વિતરણની કામગીરી ચાલી રહી છે..તંત્ર દ્વારા કાપડના માસ્ક બનાવીને વિતરણ કરાય છે.