Coronavirus / જોરદાર, લોકડાઉનમાં પાલન યોગ્ય થાય તે માટે ગુજરાત પોલીસનો નવતર પ્રયોગ

• લોકડાઉનમાં ગુજરાત પોલીસનો નવતર પ્રયોગ
• 18000 ગામમાં સરપંચને કાયદો-વ્યવસ્થાની સત્તા
• સુરતના જિલ્લાના તમામ સરપંચને મળ્યો સુપર પાવર 

કોરોના દરમિયાન લોકડાઉન હોવાથી ગુજરાત પોલીસ દ્વારા નવતર પ્રયોગ કરવામાં આવ્યો છે. જેમાં હવે પોલીસ દ્વારા 18 હજાર જેટલા ગામના સરપંચને સત્તા આપવામાં આવી છે. ગામના સરપંચને પોલીસ દ્વારા SP કક્ષા સુધીની સત્તા આપવામાં આવશે. 

આ સાથે અનેક ગામના યુવાનોને પણ પોલીસના નિમણૂંક પત્ર આપવામાં આવ્યા છે. યુવાનોને જિલ્લા પોલીસના વડાની સહી સાથે નિમણૂંક પત્ર આપવામાં આવ્યાં.  લોકડાઉનમાં કાયદો વ્યવસ્થા જાળવવા માટે મહત્વનો નિર્ણય કરાયો છે. 

જ્યારે બીજી તરફ કોરોનાના કહેરને લઈને સુરતની પોલીસ દ્વારા નવી પહેલ શરૂ કરાઈ છે. સુરતના જિલ્લામાં આવેલા તમામ સરપંચને પોલીસ દ્વારા સુપર પાવર આપવામાં આવ્યા છે. જેમાં પોલીસ દ્વારા સરપંચને SP જેટલા પાવર આપવામાં આવ્યા છે. પોલીસ દ્વારા વોટ્સએપ ગ્રુપ બનાવીને તમામ સરપંચને જાણ કરવામાં આવી છે.

આ સાથે જ પોલીસ દ્વારા શહેરમાં પણ કામગીરી કરવામાં આવી રહી છે. આમ પોલીસે અત્યાર સુધી જાહેરનામાના ભંગના 550થી વધુ કેસ નોંધ્યા છે. જ્યારે 2 હજારથી વધુ વાહનોને ડિટેઈન પણ કરવામાં આવ્યા છે. આ સાથે જ પોલીસ ડ્રોનની મદદથી બહાર ફરતા લોકોને શોધીને કાર્યવાહી કરવામાં આવી રહી છે.