ગુજરાત સહિત તમામ રાજ્યોમાં આજે સ્વયં ભૂ જનતા કર્ફ્યુના સમર્થનમાં બંધ પાળવામાં આવી રહ્યો છે ત્યારે લોકો પણ કોરોના સામે લડવા માટે કટિબદ્ધ થયા છે અને સજ્જડ બંધ પાડી રહ્યા છે. ગુજરાતના મુખ્ય શહેરો સહિત તમામ જગ્યાએ બંધનુ પાલન કરાઈ રહ્યુ છે.
ગુજરાતીઓએ જનતા કર્ફ્યુનો આપ્યો ફૂલ સપોર્ટ
સવારથી જ રોડ સહિત તમામ જગ્યાએ સ્માશનવત શાંતિ
રાજકોટ, અમદાવાદ, સુરત, વડોદરામાં લોકડાઉન
પીએમ મોદીની જનતા કર્ફ્યૂની અપીલને લઈને સુરતમાં રસ્તાઓ સુમસામ જોવા મળ્યા. લોકો પોતાના ઘરમાં રહીને પીએમ મોદીના આહ્વાનને સમર્થન આપી રહ્યા છે. શહેરમાં ધમધમતી બજારો પણ બંધ જોવા મળી છે. લોકોએ સ્વયંભૂ બંધ રાખીને જનતા કર્ફ્યૂને સમર્થન આપ્યું છે
જનતા કર્ફ્યૂને લઇ રાજકોટનું ધમધમતુ રેસકોર્સ આજે સૂમસાન બની ગયું છે. લોકો બહાર નીકળવાનું ટાળી રહ્યાં છે. પીએમ મોદીએ જનતા કર્ફ્યૂની અપીલ કરી છે. જેનું લોકો કડકપણે પાલન કરી રહ્યાં છે. રેસકોર્સ પર કોઇ અવરજવર નથી. લોકો સ્વેચ્છાએ જનતા કર્ફ્યૂનું પાલન કરી રહ્યાં છે.
ગુજરાતમાં 14 કેસ પોઝિટિવ
ગુજરાતમાં 14 કેસ પોઝિટિવ આવ્યા છે. જેને પગલે અમદાવાદ, રાજકોટ, સુરત અને વડોદરા લોકડાઉન કરવામાં આવ્યુ છે.