કોરોના સંકટ / વિશ્વમાં એક દિવસમાં સૌથી વધારે કોરોનાના કેસમાં ભારત મોખરે, આ દેશોને પણ છોડ્યા પાછળ

• એક દિવસના કેસને લઈને ભારત વિશ્વમાં મોખરે
• અમેરિકા અને બ્રાઝિલ કરતાં પણ દૈનિક કેસમાં ભારત અવ્વલ
• 24 કલાકમાં ભારતમાં આવ્યા 52972 નવા કેસ

દેશમાં હવે કોરોનાના કુલ દર્દીનો આંક 18 લાખથી પણ વધી ગયો છે. તેમાં 38 હજાર 135 લોકોના મોત થયા છે. અત્યારસુધીમાં લગભગ 12 લાખ લોકો સારવારથી સાજા થયા છે જ્યારે એક્ટિવ કેસની સંખ્યા 5.79 લાખથી વધારે છે. કોરોના સંક્રમણની ગતિ મહારાષ્ટ્ર, દિલ્હી બાદ બિહાર, યૂપી, આંધ્રપ્રદેશમાં વધતી રહી છે. 

2  ઓગસ્ટે આ દેશોમાં આવ્યા સૌથી વધુ કેસ

છેલ્લા 24 કલાકમાં ભારતમાં 52972 નવા કેસ આવ્યા છે તો અમેરિકામાં 47511, બ્રાઝિલમાં 25800, પેરૂમાં 21358, કોલંબિયામામં 11470, આર્જેન્ટિનામાં 5376, ફિલિપિન્સમાં 4953 અને મેક્સિકોમાં 4853 નવા કેસ સામે આવ્યા છે. 

અમેરિકામાં કોરોનાની સ્થિતિ

અમેરિકામાં કુલ દર્દીનો આંક 48 લાખને પાર પહોંચ્યો છે. તેમાં 1 લાખ 58 હજાર 365 લોકોના મોત થયા છે. જ્યારે 23 લાખથી વધારે લોકો સાજા થઈ ચૂક્યા છે. એક્ટિવ કેસની સંખ્યા 22 લાખથી વધુ છે. કોરોનાના સૌથી વધુ કેસ અમેરિકામાં છે. આ પછી બ્રાઝિલનો નંબર આવે છે. 

બ્રાઝિલમાં આવો છે કોરોના વિસ્ફોટ

બ્રાઝિલમાં કોરોનાના કુલ દર્દીની સંખ્યા 27 લાખથી વધારે છે. જેમાંથી 94 હજારથી વધુ લોકોના મોત થયા છે. અત્યાર સુધી અહીં 19 લાખ લોકો સાજા થયા છે. અને સાથે 7 લાખ 55 હજારથી વધુ એક્ટિવ કેસ છે. 

દુનિયામાં કોરોનાના દર્દીનો કુલ આંક 1 કરોડ 82 લાખથી વધ્યો છે. તેમાંથી 6 લાખ 93 હજાર લોકોના મોત થયા છે. અત્યાર સુધીમાં 1 કરોડ 14 લાખથી વધારે દર્દીઓ સાજા થયા છે. દુનિયાના 215 દેશ હજુ પણ કોરોનાથી પ્રભાવિત છે.