કરૂણ / હાય રે મહામારી... 108 ન મળતા વડોદરામાં દર્દીને ટેમ્પોમાં હોસ્પિટલ લઈ જવાયો, જુઓ તસવીરો

• ગાજરાવાડીમાં દર્દીને એમ્બ્યુલન્સ ન મળતા ટેમ્પોમાં હોસ્પિટલ લઈ જવાયા
• દર્દીના પુત્રએ અનેકવાર 108 એમ્બ્યુલન્સને ફોન કર્યા પણ સતત ફોન વ્યસ્ત રહ્યો
• પિતાની તબિયત વધુ લથડતા પુત્ર પિતાને ટેમ્પોમાં બેસાડી હોસ્પિટલ લઈ ગયો

ગાજરાવાડીમાં દર્દીને એમ્બ્યુલન્સ ન મળતા ટેમ્પોમાં દર્દીને હોસ્પિટલ લઈ જવાની ફરજ પડી હતી. દર્દીના પુત્રએ અનેકવાર 108 એમ્બ્યુલન્સને ફોન કર્યા હતા પણ સતત ફોન વ્યસ્ત આવતો રહ્યો હતો બાદમાં તેના પિતાની તબિયત વધુ લથડતા પુત્ર પિતાને ટેમ્પોમાં બેસાડી હોસ્પિટલ લઈ ગયો હતો.

ગુજરાતમાં કોરોનાની સ્થિતિ

રાજ્ય સરકાર દ્વારા જાહેર કરવામાં આવેલ આંકડા પ્રમાણે રાજ્યમાં ગત 24 કલાકમાં કોરોનાના 8,152 કેસ નોંધાયા છે તો 81 લોકોની મોત છેલ્લા 24 કલાકમાં નોંધાઈ છે. અને 3,023 દર્દીઓ સાજા થયાં છે. આ સાથે જ અત્યાર સુધીમાં 32,6394 દર્દીઓ કોરોના મુક્ત થયાં છે. 

છેલ્લા 24 કલાકમાં 73 દર્દીઓના મોતથી ખળભળાટ

ઉલ્લેખનીય છે કે, છેલ્લા 24 કલાકમાં રાજ્યમાં 81 લોકોના સારવાર દરમિયાન મોત થયાં છે.આમ ગુજરાતમાં અત્યાર સુધીમાં 5076 લોકોના મોત કોરોનાને કારણે થયાં છે. ગઇકાલ કરતા આજે કોરોનાના કેસમાં ચિંતાજનક ઉછાળો નોંધાયો છે તો સાથોસાથ મૃત્યુનો આંકડો પણ દિવસેને દિવસે વધી રહ્યો છે. રાજ્યમાં હાલ 267 લોકો વેન્ટિલેટર પર છે. એક્ટિવ કેસનો આંકડો 44,298 પર પહોંચ્યો છે.

સુરત અને અમદાવાદમાં કોરોના બેકાબૂ 

ગુજરાતમાં રસીકરણની કામગીરી ચાલુ હોવા છતાં બીજી તરફ પરિસ્થિતિ બેફામ છે. કોરોનાના કેસમાં સતત વધારો થતા ચિંતા વધી છે. અમદાવાદ શહેરમાં રાજ્યના સૌથી વધુ 2631 કેસ તો અમદાવાદ ગ્રામ્યમાં 41 કેસ નોંધાયા છે. જ્યારે સુરત શહેરમાં 1551 નવા કેસ, જ્યારે સુરત ગ્રામ્યમાં 313 કેસ નોંધાયા છે. વડોદરા શહેરમાં 348 કેસ, જ્યારે ગ્રામ્યમાં 138 કેસ નોંધાયા. રાજકોટ શહેરમાં 698 કેસ અને ગ્રામ્યમાં 64 કેસ નોંધાયા છે.

ત્યારે જાણો 24 કલાક દરમિયાન રાજ્યના તમામ જિલ્લામાં નોંધાયેલ કેસની વિગત...