ગુજરાતમાં કોરોનાના વાહક બનેલા તમામ લોકો વિદેશથી આવેલા છે. ગુજરાતમાં ગુરુવારથી જ કોરોનાવાયરસનો કહેર શરૂ થઈ ગયો છે અને નવાઈની વાત એ છે કે, વિદેશથી આવનાર લોકોમાંજ કોરોનાએ દેખા દીધા છે.
ગુજરાતમાં શનિવાર સુધી 8 કોરોનાના કેસની પુષ્ટી
અમદાવાદમાં 3, વડોદરામાં 3 કોરોનાગ્રસ્તો નોધાયા
રાજકોટ અને સુરતમાં પણ એક-એક કોરોનાના દર્દી
અમદાવાદ ન્યૂયોર્ક, ઈગ્લેન્ડ અને ફિનલેન્ડથી પરત ફરેલા ભારતીયો કોરોનાના વાહક બન્યા છે જ્યારે વડોદરામાં સ્પેન અને શ્રીલંકાથી પરત ફરેલા ગુજરાતીઓ કોરોનાગ્રસ્ત બન્યા છે. સુરતમાં લંડન અને રાજકોટમાં મક્કાથી આવેલ ભારતીયો કોરોનાવાયરસનો ભોગ બન્યા છે.
અમદાવાદ
અમદાવાદમાં ન્યૂયોર્કથી આવેલી 21 વર્ષીય યુવતીને કોરોના પોઝીટીવ હોવાનું સામે આવ્યું છે. સેટેલાઈટની યુવતીના સંપર્કમાં આવેલા 18 દર્દીઓ કોરોન્ટાઈન કરાયા છે. અમદાવાદમાં ઈંગ્લેડ અને દુબઈથી પરત ફરેલા યુવકને કોરોનાની પુષ્ટી થઈ છે. અમદાવાદના બોપલમાં 27 વર્ષના યુવકને કોરોના પોઝિટિવ કેસ સામે આવ્યો છે. અમદાવાદમાં ફિનલેંડથી પરત ફરેલી યુવતીને પણ કોરોનાની પુષ્ટી કરવામાં આવી છે. આંબાવાડીની યુવતીને કોરોનાની પુષ્ટીથી આરોગ્ય વિભાગ અલર્ટ પર આવી ગયુ છે.
વડોદરા
વડોદરામાં સ્પેનથી પરત ફરેલા 49 વર્ષિય વ્યક્તિ કોરોનાગ્રસ્ત થયો છે. સ્પેનથી પરત ફરેલા યુવકના સંપર્કમાં આવેલા 2 નિરીક્ષણ હેઠળ છે. વડોદરામાં 69 વર્ષીય મહિલાને પણ કોરોનાની પુષ્ટી થઈ ગઈ છે. શ્રીલંકાથી પરત ફરેલી મહિલા 12 નાગરિકોના સંપર્કમાં આવી હતી. શ્રીલંકાથી આવેલા નિઝામપુરાના વ્યક્તિનો રિપોર્ટ પોઝિટિવ આવ્યો છે. 14મી માર્ચના રોજ શ્રીલંકાથી વડોદરા આવ્યા હતા. 56 વર્ષીય દર્દીને આઇસોલેશન વોર્ડમાં રાખવામાં આવ્યા છે.
સુરત
સુરતમાં 21 વર્ષીય લંડનથી પરત ફરેલી યુવતીને કોરોનાની પુષ્ટી થઈ છે. સુરતની યુવતીના સંપર્કમાં આવેલા 9 નાગરિકો કોન્ટાઈન કરાયા છે. રાજકોટમાં મક્કા મદીનાથી પરત ફરેલા 32 વર્ષના યુવકને કોરોનાગ્રસ્ત થયો છે.