ગુજરાતમાં કોરોના પોઝિટવ કેસના આંકડા 106 ઉપર પહોંચ્યા છે. ગુજરાતમાં 10 લોકોના અત્યાર સુધી મોત થઈ ચુક્યા છે. અમદાવાદમાં કમ્યુનીટી ટ્રાન્સફોર્મેશનનો ગાળો શરૂ થઈ ગયો છે એટલે જ શહેરના પાંચ વિસ્તારને ક્લસ્ટર ક્વોરન્ટાઈન કરવામાં આવ્યા છે.
સફાઈકર્મચારી મહિલા કોરોના શંકાસ્પદ
અમદાવાદનાં 5 વિસ્તારને ક્લસ્ટર ક્વોરન્ટાઈન જાહેર કરવામાં આવ્યા
અમદાવાદમાં કોરોના વાયરસનો વધુ એક શંકાસ્પદ દર્દી સામે આવી છે. બીજી તરફ રાજ્યમાં વધુ એક મોત સાથે મૃત્યુનો આંક 10 પર પહોંચ્યો છે. અમદાવાદમાં કુલ 45 કોરોના પોઝિટિવ કેસ નોંધાયા છે.
સફાઈકર્મચારી મહિલા બની કોરોનાનો શિકાર
ખોડિયારનગરની એક મહિલામાં કોરોના વાયરસ સંક્રમણની શંકા છે. મહિલા VS હોસ્પિટલમાં સફાઇકર્મી તરીકે સેવા બજાવે છે. પરિવારના અન્ય 13 લોકોને ક્વોરોન્ટાઇન કરાયા છે.
અમદાવાદમાં આજે નવા 6 કેસ
2 બાપુનગર
1 જમાલપુર
1 નવરંગપુર
1 આંબાવાડી
સવારે નોંધાયેલા પાંચ કેસમાં મનપા દ્વારા નામની યાદી જાહેર કરવામાં આવી હતી.
અમદાવાદનાં 5 વિસ્તારને ક્લસ્ટર ક્વોરન્ટાઈન જાહેર કરવામાં આવ્યા છે.
શહેરના 5 વિસ્તારોમાં ક્લસ્ટર કોરેન્ટાઇન કરવામાં આવ્યું છે. શહેરના શાહપુર, બાપુનગર, શાહઆલમ, દરિયાપુર અને જમાલપુરમાં ક્લસ્ટર ક્વોરન્ટાઇન કરવાની ફરજ પડાઇ છે. આ 5 વિસ્તારોના આશરે 500 ઘરોને ક્લસ્ટર ક્વોરોન્ટાઇન કરવામાં આવ્યાં છે જેમાં અંદાજે 22000 જેટલા વ્યક્તિઓને ક્વોરન્ટાઇન કરવાની ફરજ પડી છે. શહેરના આ 5 વિસ્તારોની એવી સોસાયટીઓને ક્લસ્ટર ક્વોરન્ટાઇન કરવામાં આવી છે જે પોઝીટીવ કેસના દર્દીના સંપર્કમાં આવી હોય. ક્લસ્ટર ક્વોરન્ટાઇન કરવામાં આવેલી સોસાયટીના સભ્યો બહાર નહી નીકળી શકે તેમજ સોસાયટી બહારનો વ્યક્તિ અંદર નહી પ્રવેશી શકે. સોસાયટીના પ્રવેશ દ્વારને સિલ કરાયા છે. એન્ટ્રી પર પતરા લગાવીને પ્રવેશ બંધ કરવામાં આવ્યો છે. આ સાથે જ ક્લસ્ટર કોરન્ટાઇન કરેલી સોસાયટીના રહીશો માટે જીવન જરૂરિયાતની આવશ્યક વસ્તુઓ મનપા દ્વારા પહોંચાડવામાં આવશે.