દેશમાં જારી લૉકડાઉન વચ્ચે કોરોના વાયરસના કેસ સતત વધી રહ્યા છે. સ્વાસ્થ્ય મંત્રાલયના જણાવ્યા અનુસાર, દેશમાં કોરોના વાયરસના કુલ કેસની સંખ્યા વધીને 33050 થઇ ગઇ છે. જ્યારે આ વાયરસથી અત્યાર સુધીમાં કુલ 8325 લોકો ઠીક થયા છે. જ્યારે કુલ 1074 લોકોના મોત થયા છે.
દેશમાં જારી લૉકડાઉન વચ્ચે કોરોના વાયરસના કેસ સતત વધી રહ્યા છે
24 કલાકમાં કોરોના વાયરસ બીમારીથી 630 લોકો ઠીક થયા, રિકવરી રેટ 25.18 ટકા
સ્વાસ્થ્ય મંત્રાલયના સંયુક્ત સચિવ લવ અગ્રવાલે કહ્યું કે છેલ્લા 24 કલાકમાં કોરોના વાયરસ બીમારીથી 630 લોકો ઠીક થયા છે. જ્યારે આ વાયરસથી સાજા થવાનો દર 25.18 ટકા છે.
સ્વાસ્થ્ય મંત્રાલયે કહ્યું કે, ગત 24 કલાકમાં કોરોના વાયરસના નવા 1718 નવા કેસ નોંધાયા છે. જ્યારે કુલ સંક્રમણનો આંકડો વધીને 33050 પર પહોંચ્યો છે. તેમાંથી કુલ 23651 એક્ટિવ કેસ છે. જ્યારે ગત છેલ્લા 24 કલાકમાં કોરોના વાયરસ બીમારીથી 630 લોકો ઠીક થયા છે. આ વાયરસથી સાજા થવાનો દર 25.18 ટકા છે. 14 દિવસ પહેલા આ દર 13 ટકા હતો.
#COVID19- 1718 new cases have been reported in the last 24 hours, taking the total number of cases to 33050. The recovery rate is now 25.19%. A progressive recovery rate has been observed: Lav Agrawal, Joint Secy, Health Ministry pic.twitter.com/jHZtD4T5Gm
સ્વાસ્થ્ય મંત્રાલયે કહ્યું કે જેટલા પણ મોત થયા છે તેમાંથી 78 ટકામાં પહેલાથી જ કોઇ રોગ હતો. ડબલિંગ રેટ 11 દિવસનો થઇ ગયો છે. જ્યારે ઘણા રાજ્યો સારુ પ્રદર્શન કરી રહ્યા છે. રેપિડ ટેસ્ટની મર્યાદિત ભૂમિકા છે. આઇસીએમઆર તેને કોઓર્ડિનેટ કરી રહી છે. જન-જાગરુકતાની જરૂર છે, સમજવુ જરૂરી છે કે એન્ટી બૉડી બનવામાં સમય લાગે છે. જ્યાં સુધી ટેસ્ટિંગ અને સારવાર પ્રોટોકૉલની વાત છે, આપણે માત્ર આરટીપી-સીઆર ટેસ્ટ જ કરવા પડશે.
As far as testing and treatment protocol is concerned we have to use RTP-CR test only: Lav Agrawal, Joint Secy, Health Ministry on COVID19 pic.twitter.com/kRbg6wFCT1
ગૃહ મંત્રાલયે કહ્યું કે કેન્દ્રીય ટીમે હૈદરાબાદની મુલાકાત લીધી અને જાણ્યું કે અહીં તમામ પ્રોટોકૉલનું પાલન થઇ રહ્યું છે. અહીં 300 ટેસ્ટ પ્રતિ દિન કરવાની સુવિધા છે. દર્દીઓને એમ્બ્યુલન્સથી ઘરે મોકલવામાં આવે છે. ટીમે મોટાભાગના સ્થાનો પર લૉકડાઉનનું સંપુર્ણ પાલન જોયું. ટીમને સોશિયલ ડિસ્ટેન્સિંગનું પાલન જોવા મળ્યું. જોકે કેટલાક નિર્માણધીન સ્થળો પર મજૂરો વિના માસ્ક જોવા મળ્યા.