ભલામણ / કોરોનાના વધતા સંક્રમણના પગલે GTUની ઓફલાઇન પરીક્ષાને લઇને કરવામાં આવી આ રજૂઆત

• ગુજરાત ટેક્નોલોજીકલ યુનિવર્સિટીની પરીક્ષાનો મામલો
• ઓફલાઇનના બદલે ઓનલાઇન પરીક્ષા યોજવા રજૂઆત
• કોરોનાના વધતા સંક્રમણને લઇ કરવામાં આવી રજૂઆત

ગુજરાતમાં હાલ કોરોના સંક્રમિતોનો આંકડો દિવસે ને દિવસે વધી રહ્યો છે. ત્યારે તેની સૌથી વધારે અસર શિક્ષણ વિભાગ પર જોવા મળી રહી છે. ત્યારે આગામી 10મી ડિસેમ્બરથી શરુ થઇ રહેલી GTUની ઓફલાઇન પરીક્ષાને લઇને સવાલો થઇ રહ્યાં છે. 
 

કોરોનાના વધતા સંક્રમણને લઇને GTUની પરીક્ષા ઓફલાઇનના બદેલ ઓનલાઇન યોજવા રજૂઆત કરવામાં આવી છે. ગુજરાત એન્જીનયરિંગ એન્ડ ટેકનોલોજીકલ ડિપ્લોમાં એસોસિયેશન દ્વારા આ અંગે રજૂઆત કરવામાં આવી છે. 
 

GTUની પરીક્ષા ઓફલાઇનને બદલે ઓનલાઇન યોજવા માટે એસોસિયેશન દ્વારા GTUના કુલપતિને પત્રથી રજૂઆત કરવામાં આવી છે. એસોસિયેશન દ્વારા જણાવામાં આવ્યું છે કે હોસ્ટેલમાં વિદ્યાર્થીઓની રહેવાની પુરતી વ્યવસ્થા નથી, અનેક વિદ્યાર્થીઓની ઘરની નજીક કોઇ સેન્ટર નથી, જેના કારણે ઓફલાઇન પરીક્ષા આપવી અનેક વિદ્યાર્થીઓ માટે શક્ય નથી.