હાશકારો / રાજ્યમાં કોરોના વાયરસના 42 સેમ્પલ નેગેટિવ, 1146 પ્રવાસીઓને રખાયા ઓબ્ઝર્વેશનમાં

• 42 સેમ્પલ પરીક્ષણનો રિપોર્ટ આવ્યો નેગેટિવ
• કોરોના અસરગ્રસ્ત દેશમાંથી 2068 પ્રવાસીઓ થયા છે પરત
• 1146 પ્રવાસીઓએ 28 દિવસનો ઓબ્ઝર્વેશન સમય કર્યો છે પૂર્ણ

રાજ્યમાં કોરોના વાયરસને લઈને તંત્ર એલર્ટ થયું છે. રાજ્યના મોટા શહેરોના એરપોર્ટ પર સ્ક્રિનિંગ મશીનો મુકવામાં આવી છે. એરપોર્ટ પર આવતા તમામ લોકોનું સ્ક્રિનિંગ કરવામાં આવી રહ્યું છે.

1146 પ્રવાસીઓએ 28 દિવસનો ઓબ્ઝર્વેશન સમય કર્યો છે પૂર્ણ

કોરોના અસરગ્રસ્ત દેશોમાંથી આવતા 2068 જેટલા પ્રવાસીઓ પરત ફર્યા છે. 1146 પ્રવાસીઓએ 28 દિવસનો ઓબ્જર્વેશન સમય પૂર્ણ કર્યો છે.. સાથે જ રાજ્યના બંદરો પર કોરોનાને લઈને ચેકિંગ કરવામાં આવી રહ્યું છે.

રાજ્યની 1929 હોટલમાં થર્મલ સ્કિનર ગન વસાવવાનો આદેશ

રાજ્યમાં 42 સેમ્પલોનુ પરીક્ષણ કરવામાં આવ્યું છે. 42 સેમ્પલ પરીક્ષણનનો રિપોર્ટ નેગેટિવ આવ્યો છે. તંત્ર દ્વારા 1929 હોટલોના માલિકોને થર્મલ સ્કિનર ગન વસાવવા માટે આદેશ આપ્યો છે. હોટલોમાં રોકાણ કરનારા તમામ પ્રવાસીઓ અને કર્મચારીનુ સ્ક્રિનિંગ કરાશે.

મોંઘા માસ્ક વેચનારા સામે ફરિયાદ કરવાના પણ આદેશ

આ ઉપરાંત કોરોના હાહાકાર બાદ વેપારીઓ દ્વારા માસ્કના ભાવમાં પણ વધારો કરવામાં આવ્યો છે. મોંઘુ માસ્ક વેચનાર સામે ગ્રાહકો 104 નંબર પર આરોગ્ય વિભાગને ફરિયાદ કરી શકે છે.