ખેડૂત આંદોલન 2.0 / કાલે ખેડૂતો દ્વારા કરવામાં આવશે દેશવ્યાપી પ્રદર્શન, જાણો સરકારે તેના વિષે શું કહ્યું? 

• કોરોના કાળમાં ખેડૂતોએ પ્રદર્શનનું એલાન કરી સરકાર સામે ઉભોક્યો મોટો પડકાર 
• 12 વિરક્ષી પાર્ટીઓએ ખેડૂત પ્રદર્શનને આપ્યુ સમર્થન 
• કાલે ખેડૂતો દેશવ્યાપી પ્રદર્શન કરશે 

કેન્દ્ર સરકારના નવા કૃષિ કાયદાના વિરોધમાં ખેડૂતો પાછલા 6 મહિનાથી આંદોલન કરી રહ્યા છે. હવે ફરી એક વખત ખેડૂતોએ આંદોલનને ઉગ્ર બનાવવાની કવાયત હાથ ધરી છે. જીવલેણ મહામારી કોરોના વાયરસની બીજી લહેર વચ્ચે ખેડૂત સંગઠનોએ કાલે એટલે 26 મેના રોજ દિલ્હીમાં  ખૂબ વિરોધ પ્રદર્શન કરવાની તૈયારી કરી રહ્યા છે. સરકારે કોરોનામાં ખેડૂતોને વિરોધ પ્રદર્શન ન કરવાની અપીલ કરી હતી.  સરકારે કહ્યું કે ખેડૂત 'સુપર સ્પ્રેડર' બની શકે છે. પંજાબના ખેડૂતો મોટી સંખ્યામાં દિલ્હીની સીમા તરફ આગળ વધી રહ્યા છે. ખેડૂતોના પ્રદર્શનને છ મહિના 26 તારીખે પૂર્ણ થશે અને તે દિવસને તેઓ કાળા દિવસ તરીકે ઉજવશે. 

 ખેડૂતોને પ્રદર્શન ન કરવા સરકારની અપીલ 

આ વચ્ચે પંજાબના મુખ્યમંત્રી અમરિંદર સિંહે  ખેડૂતોના સંગઠન ભારતીય કિસાન યૂનિયન પાસે કોરોના વાયસના કારણે પ્રદર્શન ન કરવા માટે આગ્રહ કર્યો. તેમણે કહ્યું કે આ રીતે કોરોના વાયરસ ખૂબ ઝડપથી ફેલાઈ શકે છે. તેવામાં ખેડૂત સંગઠને રાજ્ય સરકારને કોરોના વાયરસની સ્થિતિનો સામનો કરવામાં અસફળ ગણાવી છે. અને ધોષણાં કરી કે તે 28 મે ના રોજ પટિયાલામાં વિરોધ પ્રદર્શન કરશે. 

કેન્દ્ર સાથે વાતચીત કરવા તૈયાર રાકેશ ટિકૈત 

ખેડૂત નેતા રાકેશ ટિકૈતે કહ્યું કે ખેડૂત સંગઠન કેન્દ્રની સાથે વાતચીત ફરી શરૂ કરવા માટે તૈયાર છે. પરંતુ આ વાતચીત નવા કૃષિ કાયદાને પરત લેવા પર હોવી જોઈએ. તેમણે જણાવ્યું કે માંગ પૂર્ણ થયા પહેલા ખેડૂતો પ્રદર્શન સ્થળ પરથી નહીં હટે. 

12 વિપક્ષોનું ખેડૂતોને સમર્થન 

આમ આદમી પાર્ટીએ ખેડૂતોને પોતાનું સમર્થન આપવાની ઘોષણા કરી છે. પાર્ટીના પ્રવક્તા રાઘવ ચડ્ડાએ ટ્વીટ કરી કહ્યું, ખેડૂત આંદોલનના છ મહિના પૂર્ણ થવાના અવસર પર સંપુક્ત કિસાન મોર્ચા દ્વારા દેશવ્યાપી પ્રદર્શનને આમ આદમી પાર્ટી પોતાનું સમર્થન આપે છે. અમે કેન્દ્રને આગ્રહ કરીએ છીએ કે તે તત્કાલ ખેડૂતો સાથે વાતચીત કરે અને તેમની માંગ સ્વીકારે. આપ ખેડૂતો સાથે છે. કોંગ્રેસ, તૃણમૂલ કોંગ્રેસ, વામ દળો, સમાજવાદી પાર્ટી, રાકાંપા અને દ્રમુક સહિત 12 વિપક્ષી પાર્ટી ખેડૂતોના દેશવ્યાપી પ્રદર્શનને પોતાનું સમર્થન આપી રહ્યા છે.