દેશમાં કોરોનાના કેસની સંખ્યા 40 હજારથી 30 હજારની આસપાસ થઈ રહી છે ત્યારે કેરળમાં કોરોનાના કેસની સંખ્યામાં સતત વધારો જોવા મળી રહ્યો છે.
દેશમાં કોરોનાની સ્પીડમાં ઘટાડો
કેસની સંખ્યા સતત ઘટી રહી છે
કેરળમાં વધી રહ્યા છે કોરોનાના કેસ
કેરળમાં સ્પીડથી આગળ વધી રહ્યો છે કોરોના
છેલ્લા 24 કલાકની વાત કરીએ તો કેરળમાં કોરોનાના કુલ 20240 નવા કેસ આવ્યા છે અને સાથે જ 67 લોકોના મોત થયા છે. આ સિવાય 29710 લોકોએ સારવાર બાદ રાહત મેળવી છે. પરંતુ તેમ છતાં પણ નવા કેસની સંખ્યા કાબૂ બહાર છે.
તમિલનાડુમાં પણ વધ્યા કેસ
કેરળ બાદ તમિલનાડુમાં પણ કોરોનાના કેસ વધવાનું શરૂ થયું છે. અહીં પહેલા 1500 કેસ આપી રહ્યા હતા તો રવિવારે આ આંક 1608 સુધી પહોંચ્યો છે. અહીં 24 કલાકમાં 22 લોકોના મોત નીપજ્યા છે. સક્રિય કેસની સંખ્યા 15હજારથી વધુ છે.
મહારાષ્ટ્રમાં આવી છે સ્થિતિ
એક સમયે મહારાષ્ટ્ર કોરોનાનું હબ ગણઆતું હતું અહીં 24 કલાકમાં 3623 નવા કેસ આવ્યા છે તો 46 લોકોના મોત થયા છે. અહીં ડેથરેટ 2.12 ટકા રહ્યો છે. શક્ય છે કે ગણેશ ઉત્સવ બાદ અહીં કેસમાં વધારો થાય.
દિલ્હી અને યૂપીમાં સ્થિતિ કંટ્રોલમાં
કેરળ અને મહારાષ્ટ્રમાં કેસ ઘટી રહ્યા નથી ત્યારે દિલ્હી અને યૂપીમાં કેસ કંટ્રોલમાં છે. યૂપીમાં 24 કલાકમાં 21 નવા કેસ આવ્યા છે તો રાજધાનીમાં 22 નવા કેસ આવ્યા છે. આ બંને જગ્યાએ છેલ્લા 24 કલાકમાં કોઈ મોતના સમાચાર નથી.