કોરોના કેસમાં થોડા સમયમાં ઘણો વધારો જોવા મળ્યો છે આ વચ્ચે કેન્દ્રીય સ્વાસ્થ્ય મંત્રાલયે 6 રાજ્યોને ચેતવણી આપતા કોરોના ટેસ્ટીંગમાં વધારો કરવાનું જણાવ્યું
મહારાષ્ટ્રમાં નોધાયા એક હજારથી વધુ કેસ
દેશના 6 રાજ્યોને કેન્દ્રીય સ્વાસ્થ્ય મંત્રાલયે આપી ચેતવણી
દોઢ મહિનામાં કોરોના કેસોમાં 7 ગણો વધારો
દેશમાં ફરીથી કોરોના કેસમાં વધારો
દેશમાં કોરોનાના કેસમાં ફરી વધારો જોવા મળી રહી છે. દેશમાં 3 જૂને 4 હજારથી વધુ કેસ નોંધાયા હતા, જે ગુરુવાર કરતા 8.9 ટકા વધુ છે. તેમાંથી ફક્ત કેરળમાં જ 33.9 ટકા કેસ છે. ત્યાં 1370 નવા કેસ સામે આવ્યા છે. કોરોનાના વધુ કેસવાળા રાજ્યોને કેન્દ્રીય સ્વાસ્થ્ય મંત્રાલયે પત્ર લખ્યા છે. જેમાં તમિલનાડુ, કેરળ, તેલંગાણા, તેલંગાણા, કર્ણાટક અને મહારાષ્ટ્રનો સમાવેશ થાય છે. સ્વાસ્થ્ય મંત્રાલયે પોતાના પત્રમાં આ રાજ્યોને નિર્દેશ આપ્યા છે કે તેઓ બધા જ ઈન્ફ્લુએન્ઝા જેવી બીમારી અને કોરોનાના કેસો પર નજર રાખે જેથી સંક્રમણના પ્રસારને સારી રીતે ટ્રેક કરી શકાય.
ટેસ્ટીંગ ચાલુ રાખવા આ રાજ્યોને આપ્યા આદેશ
સ્વાસ્થ્ય મંત્રાલયના જણાવ્યા અનુસાર, કેરળના 11 જિલ્લા, તમિલનાડુના 2 જિલ્લા, મહારાષ્ટ્રના 6 જિલ્લા, કર્ણાટક એક જિલ્લા અને તેલંગાણામાં કોરોનાના કેસોમાં તેજી જોવા મળી છે. કેન્દ્રીય સ્વાસ્થ્ય સચિવ રાજેશ ભૂષણે રાજ્યોને કોરોના કેસોની દેખરેખ અને ટેસ્ટીંગ ચાલુ રાખવા તેમજ નિર્ધારિત નમૂનાઓ માટે જીનોમ સિક્વન્સિંગ ચાલુ રાખવા જણાવ્યું છે.
એક હજારને પાર કેસ
આજે મહારાષ્ટ્રમાં કોરોનાના કેસ ફરી એક હજારથી વધુના આંકે આવી ગયા છે. જ્યાં કાલે કોરોનાના કેસોની સંખ્યા 1045 હતી ત્યારે આજે 1134 નવા કેસ મળી આવ્યા છે. આ ઉપરાંત કોરોના સંક્રમણના કારણે ત્રણ લોકોના મોત થયા.
સીએમ ઠાકરેએ આપી હતી ચેતવણી
મહારાષ્ટ્રમાં વધી રહેલા કોરોનાના કેસોને ધ્યાનમાં રાખીને મુખ્યમંત્રી ઉદ્ધવ ઠાકરેએ ગુરુવારે સાંજે કોવિડ ટાસ્ક ફોર્સ સાથે બેઠક કરી હતી. તેમાં તેમણે કહ્યું હતું કે રાજ્યમાં છેલ્લા દોઢ મહિનામાં કોરોનાના એક્ટિવ કેસોની સંખ્યામાં સાત ગણો વધારો થયો છે. આ દરમિયાન સીએમ ઠાકરે રાજ્યના લોકોને કોરોનાના નિયમોનું પાલન કરવા અને માસ્ક પહેરવાની અપીલ કરી છે. આ સાથે જ સીએમે ચેતવણી આપી છે કે જો તમે પ્રતિબંધોથી બચવા માંગતા હોય તો તમારે કોરોનાના નિયમોનું પાલન કરવું જ જોઇએ.