નોર્થ ઈસ્ટ દિલ્હીના ન્યૂ ઉસ્માનપુર વિસ્તારમાં એક મહિલાએ પોતાના પતિ પર અનનેચરલ સેક્સ કરવાનો આરોપ લગાવ્યો છે. આરોપ છે કે, પ્રેગ્નેન્સીના સમયમાં પણ પતિ સેક્સ કરતો હતો.
મહિલા વિરુદ્ધની હિંસામાં થઈ રહ્યો છે વધારો
મહિલાએ પોલીસમાં ફરિયાદ નોંધાવી
પતિ કરે છે ન કરવાના કામ, ત્રાસી ગઈ ઘરવાળી
નોર્થ ઈસ્ટ દિલ્હીના ન્યૂ ઉસ્માનપુર વિસ્તારમાં એક મહિલાએ પોતાના પતિ પર અનનેચરલ સેક્સ કરવાનો આરોપ લગાવ્યો છે. આરોપ છે કે, પ્રેગ્નેન્સીના સમયમાં પણ પતિ સેક્સ કરતો હતો, જેના કારણે તેને કેટલીય વાર અબોર્શન કરાવવું પડ્યું છે. મહિલાએ દાવો કર્યો હતો કે, સાસુને પોતાની વેદના જણાવી તો, તે મારી સાથે ઝઘડવા લાગી. ન્યૂ ઉસ્માનપુર પોલીસ સ્ટેશનમાં અનનેચરલ સેક્સ, મારપીટ, બળજબરીપૂર્વક ગર્ભપાત કરાવવા અને મહિલાની ઈજ્જતનો અનાદર કરવાની ધારા હેઠળ શુક્રવારે પોલીસ ફરિયાદ નોંધવામાં આવી છે. પોલીસ આ મામલે તપાસ કરી રહી છે. હાલમાં કોઈ ધરપકડ થઈ નથી.
અનનેચરલ સેક્સ કરવાનો આદિ હતો પતિ
23 વર્ષિય પીડિતાનું સાસરિયું ન્યૂ ઉસ્માનપુર વિસ્તારમાં છે. પીડિતે પોલીસને જણાવ્યું હતું કે, તેમના લગ્ન 2017માં થયા હતા. તેના થોડા મહિના બાદ તેનો પતિ અનનેચરલ સેક્સ કરવા લાગ્યો હતો. તે ક્યારેક ના પાડતી તો, તેને પિસ્તોલ બતાવીને મજાક મજાકમાં ડરાવતો હતો. આરોપ છે કે, પતિ ખૂબ જ અનનેચરલ સેક્સ કરવાનો આદિ હતો, તેના શરીરમાં દુખાવો થવા લાગતો. તેથી તેણે પોતાની સાસુને આ વાત જણાવી. જો કે, સાસુએ કહ્યું કે, આ પતિ-પત્ની વચ્ચેનો મામલો છે, તેથી હું કંઈ કરી શકુ નહીં.
પિયરમાં વાત કરતા તો સાસરિયાવાળા ધમકાવવા લાગ્યા
પીડિતાનું કહેવું છે કે, તે હવે જાતે જ કડક થઈને પતિને આવું કરવાની ના પાડી રહી છે. પતિ રાજી થયો પણ તે બાળક માટે થઈને સાસરિયામાં પડી રહી. આરોપ છે કે, 25 માર્ચે બળજબરી પૂર્વક પતિએ ફરી વાર અનનેચરલ રીતે સેક્સ કર્યું હતું. આગામી દિવસે સાસુને ફરિયાદ કરી તો, તે ઝઘડવા લાગી. આ દરમિયાન જેઠ પણ ત્યાં આવી ગયા, બંનેને ઝઘડતા જોઈને ગુસ્સે થઈ ગયા. આરોપ છે કે, જેઠે પણ પીડિતાને મારી હતી. તેથી તેણે પોતાના માતા-પિતાને આ વાતની જાણ કરી. પણ હવે સાસરિયાવાળા તેને ધમકાવવા લાગ્યા છે. તેના માટે અમુક લોકોની મદદ પણ લઈ રહ્યા છે.