લોકસભા ચૂંટણીનું ગુજરાતમાં મતદાન પૂર્ણ થયું છે. ત્યારે ગુજરાતની રાજનીતિમાં હજુ ગરમાવો છે. ત્યારે મહત્વકાંક્ષા સંતોષવાની લહાયમાં, પોતાના જ સમાજમાં વિશ્વસનીયતા ગુમાવી બેઠેલા અલ્પેશ ઠાકોરની સ્થિતિ, ઘરનાય નહીં અને ઘાટનાય નહીં તેવી થઈ છે.
ગુજરાતમાં લોકસભાની ચૂંટણીનું મતદાન પૂર્ણ થતા અલ્પેશ ઠાકોર સામે કોંગ્રેસે કાર્યવાહી શરૂ કરી છે. પક્ષવિરોધી પ્રવૃતિને લઈને કોંગ્રેસ આક્રામક બની છે. આ મામલે વિધાનસભાના સચિવ સાથે કોંગ્રેસના પ્રતિનિધિ મંડળે મુલાકાત કરી હતી. ગાંધીનગરમાં કોંગ્રેસના પ્રતિનિધિ મંડળે મુલાકાત કરી હતી. જેમાં કોંગ્રેસના બળદેવજી ઠાકોર અને અશ્વિન કોટવાલે અલ્પેશ ઠાકોરના સસ્પેન્શન માટેની માગ કરી હતી.