નિવેદન / જ્યારે રાહુલ ગાંધીએ સ્મૃતિ ઈરાનીનો ગેસના ભાવ વધારાનો વિરોધ કરતો ફોટો શૅર કર્યો, જુઓ શું કહ્યું

• UPA સરકાર દરમિયાન સ્મૃતિ ઇરાનીએ કર્યું હતું સિલેન્ડર સાથે વિરોધ પ્રદર્શન
• મોદી સરકારે ગેસ સિલેન્ડરમાં 150 રૂપિયાનો કર્યો વધારો, કોંગ્રેસ કરી રહી છે વિરોધ
• રાહુલ ગાંધીએ સ્મૃતિ ઇરાનીની એક તસવીર ટ્વીટ કરી BJP પર કટાક્ષ કર્યો

રાહુલ ગાંધી (Rahul Gandhi) એ સ્મૃતિ ઇરાનીની એક જુની તસવીર પણ ટ્વીટ કરી છે, જેમા સ્મૃતિ ઇરાની અને બીજેપી કાર્યકર્તા ગેસ સિલેન્ડર સાથે જોરદાર વિરોધ પ્રદર્શન કરતા જોવા મળી રહ્યા છે. આ સ્મૃતિ ઇરાની (Smriti Irani) ની એ સમયની તસવીર છે, જ્યારે કેન્દ્રમાં કોંગ્રેસના નેતૃત્વ વાળી યૂપીએની સરકાર હતી. 

યૂપીએ સરકાર દરમિયાન ગેસ સિલેન્ડરની કિંમત વધવા પર બીજેપીએ જોરદાર વિરોધ પ્રદર્શન કર્યું હતું. સ્મૃતિ ઇરાની ગેસ સિલેન્ડર લઇને બીજેપી કાર્યકર્તાઓ સાથે રસ્તાઓ પર ઉતરી હતી અને વિરોધ પ્રદર્શન કર્યું હતું. 

રાહુલ ગાંધીએ ટ્વિટ કર્યું, 'હું એલપીજી સિલેન્ડરની કિંમત 150 રૂપિયા વધવાની વિરુદ્ધ પ્રદર્શન કરી રહેલા બીજેપીના આ સભ્યો સાથે સહમત છું.' રાહુલ ગાંધીએ મોદી સરકારને ગેસ સિલેન્ડરના કિંમત વધારવાના નિર્ણયને પાછો લેવા પણ કહ્યું છે. 

I agree with these members of the BJP as they protest the astronomical 150 Rs price hike in LPG cylinders. #RollBackHike pic.twitter.com/YiwpjPdTNX

— Rahul Gandhi (@RahulGandhi) February 13, 2020

બુધવારે પેટ્રોલિયમ કંપનીઓએ મોટો ઝટકો આપતા વિના સબસિડી વાળા રસોઇ ગેસ સિલેન્ડરની કિંમતમાં 150 રૂપિયાનો વધારો કર્યો હતો. હવે ગ્રાહકોને ગેસ સિલેન્ડર માટે દિલ્હીમાં 144.50 રૂપિયા, કોલકાતામાં 149 રૂપિયા, મુંબઇમાં 145 રૂપિયા અને ચેન્નઇમાં 147 રૂપિયા વધારે આપવા પડશે. 

ઇન્ડિયન ઓઇલ કોર્પોરેશન લિમિટેડની વેબસાઇટ મુજબ, દેશના ચાર મુખ્ય શહેરો દિલ્હી, કોલકાતા, મુંબઇ અને ચેન્નઇમાં રસોઇ ગેસ સિલેન્ડરની કિંમતો હવે ક્રમશ: 858.50 રૂપિયા, 896 રૂપિયા, 829.50 રૂપિયા અને 881 રૂપિયા થઇ ગઇ છે. ગેસ સિલેન્ડરના નવા દર 12 ફેબ્રુઆરીએ લાગુ પણ થઇ ગયા છે. 

આ પહેલા ગેસ સિલેન્ડરમાં 1 જાન્યુઆરી 2020એ વધારો કરાયો હતો. ગેસ સિલેન્ડરની કિંમતોમાં તાજો વધારો દિલ્હી વિધાનસભા ચૂંટણીમાં ભાજપની હાર બાદ જોવા મળ્યો છે. આ ચૂંટણીમાં આમ આદમી પાર્ટીએ પ્રચંડ જીત મેળવી હતી.