વરવી વાસ્તવિકતા / 100 વર્ષ પહેલા મારા પિતાને પણ પાણી પીતા રોકેલા, જાતિવાદ અમારો સૌથી મોટો દુશ્મન: પૂર્વ લોકસભા સ્પિકરે વેદના ઠાલવી

• પૂર્વ લોકસભા સ્પિકરે રાજસ્થાન સરકારનો ઘેરાવ કર્યો
• દલિત બાળક સાથે બર્બરતા આચરવામાં આવતા મીરા કુમારે પ્રહાર કર્યા
• સૌથી મોટો જાતિવાદ દુશ્મન હોવાનું જણાવ્યું

 

પૂર્વ લોકસભા સ્પિકર મીરા કુમારે સ્કૂલમાં દલિત બાળક સાથે મારપીટને લઈને રાજસ્થાનની ગહલોત સરકાર પર આકરાં પ્રહારો કર્યા છે મીરા કુમારે 100 વર્ષ પહેલા પોતાના પિતા બાબૂ જગજીવનરામ સાથે થયેલી ઘટનાનો ઉલ્લેખ કરતા કહ્યું કે, આખરે આઝાદીના 75 વર્ષ બાદ પણ જાતિ વ્યવસ્થા અમારી દુશ્મન બનેલી છે. 

હકીકતમાં જોઈએ તો, રાજસ્થાનના જાલોરમા એક શિક્ષકે સ્કૂલમાં દલિત બાળક સાથે ફક્ત એટલા માટે મારપીટ કરી હતી, કેમ કે તેણે હેડમાસ્ટરમા ઘડામાંથી પાણી પીધું હતું. ટીચરે એટલી નિર્દયતાથી ફટકાર્યો કે, બાળકના કાનની નસ ફાટી ગઈ હતી અને હાલત બગડી ગઈ હતી. પરિવારના લોકો તેને અમદાવાદની હોસ્પિટલમાં લઈને આવ્યો પણ જીવ બચાવી શક્યા નહીં.

100 वर्ष पहले मेरे पिताजी बाबू जगजीवन राम को स्कूल में सवर्णो के घड़े से पानी पीने से रोका गया था। किसी तरह उनकी जान बच गई।

आज, इसी वजह से एक 9 वर्ष के #दलित बच्चे को मार दिया गया।

आज़ादी के 75 वर्षों के बाद भी #जातिवाद हमारा सबसे बड़ा शत्रु है। कलंक है।

— Meira Kumar (@meira_kumar) August 15, 2022

પરિવારના લોકો બાળકની સારવાર માટે 25 દિવસ સુધી ભટકતા રહ્યા. પણ ક્યાંય તેની સારવાર થઈ નહીં. ત્યાં સુધી કે આરોપી ટીચર તરફથી કોઈ મદદ પણ મળી નહીં. આ ઘટનાને લઈને સમગ્ર દેશમાં નારાજગી જોવા મળી રહી છે. રાજસ્થાનની અશોક ગેહલોત સરકાર પણ ટાર્ગેટમાં આવી ગઈ છે.

બિહારમાં જન્મેલા મીરા કુમાર પાંચ વાર સાંસદ રહ્યા છે. તેઓ કેન્દ્રીય મંત્રી અને લોકસભામાં દેશની પ્રથમ મહિલા સ્પિકર પણ હતા. મીરા કુમારે જાલોરની ઘટનાને લઈને ટ્વિટ કરીને કહ્યં કે, 100 વર્ષ પહેલા મારા પિતા બાબૂ જગજીવનરામને સ્કૂલમાં સવર્ણોએ ઘડામાંથી પાણી પીતા રોક્યા હતા. જેમ તેમ કરીને તેમનો જીવ બચાવ્યો. આજે એવા જ કારણે એક 9 વર્ષના દલિત બાળકને મારી નાખવામાં આવ્યો. આઝાદીના 75 વર્ષ બાદ પણ જાતિવાદ અમારો સૌથી મોટો દુશ્મન છે. કલંક છે. 

કોંગ્રેસના ધારાસભ્યોએ રાજીનામું આપ્યું

રાજસ્થાનના જાલોરની ઘટનાથી દુખી થઈને સોમવારે બારાના કોંગ્રેસ ધારાસભ્ય પાનાચંદ મેઘવાળે પોતાના પદેથી રાજીનામુ આપી દીધું છે. પ્રાપ્ત વિગતો અનુસાર જોઈએ તો, મેઘવાળે મુખ્યમંત્રી અશોક ગેહલોતને પોતાનું રાજીનામું આપી દીધું છે. ધારાસભ્યનું કહેવુ છે કે, આઝાદીના 75 વર્ષ બાદ પણ રાજ્યમાં દલિત વંચિત વર્ગ પર થઈ રહેલા અત્યાચારથી વ્યથિત થઈને મેં મુખ્યમંત્રી અશોક ગહલોતને રાજીનામું આપી દીધું છે.